أستمتعوا
______
رديت عليه وكتله
_انصدمت عمود هاي عيوني بدت تبجي يعني جنت مقتنعة ان انت راح تسوي الي كتلي عليه لهالسبب تفاجأت
_اها
_اي زين يعني هسة علاقتنة شراح يصير بيها راح تتغير
_علاقتنة راح تضل مثل ما هية ومراح تتغير يعني واذا رجعت زينب مو معناها اني ما اريدج وانتِ مالج علاقة بيها لان تعرفين كولش زين ليش رجعتها
_عموود رهف مو ؟
_اي عمود بنتي رهف وهسة اني اترخص لان ديصيحوني راح اروح
_الله وياك
وراح واخذ كلبي وياه وطبعا تأخر يلا حجيت وياه يعني من الصبح لليل هو ماكو طلع بنفس اليوم راح رجع الي هدمت احلامي كلها زينب خاتون
كضيت اني اليوم كله ملتهية بالبيت وسويت زردة بيدي وجنت ما الزم المبايل بس حتى لا اذكر وصح اهلي ما انتبهوا علية مع ان امي طبت يمي بالغرفة من جنت ابجي بس ما انتبهت لان اني من ابجي رموشي تبين كأنما حاطة مسكارة فما انتبهت واخذت كلنس وطلعت من الغرفة
مثل ما كلت لليل يلا حجيت وياه ومن حجيت بالبداية
_هلو
_هلوات
_شلونك؟
_زين انتِ شلونج؟
_اني زينة اتخيلي شسويت
_شسويتي؟
_سويت زردة
_ها صدوك بالعافية
_الله يعافيك
بعدين سكتت وكلت له
_رجعتها
_اي هي هسة بالبيت
واني اسمع بهالكلام واحس سجاجين بكلبي دتكطعه اتنفست وهم سكتت وبديت من احجي وياه احجي بسوالف عامة مو مهمة وبديت اصير باردة وياه واعترف اخذت ثلاث ايام مثكلة وجهي ع الكل وداحس بإحباط وعاد مرة هو حس وسئل
_سوسو انتِ بيج شي احسج مو طبيعية
_ايي شوية ضايجة وداحس بإحباط ما ادري ليش
_اني اعرف ليش
_ليش ؟
_من رجعت زينب لحد الان انتِ مدري شبيج متغيرة من وراها ضجتي موو
أنت تقرأ
أراكَ لاحقاً (رواية عراقية جريئة)
عاطفيةهسة اكيد فرحتي من عرفتي بهالخبر موو؟ ومنو كال اني مهتمة اصلا رواية قصتها حقيقية باللهجة العراقية عن عشق إثنين بين فتاة عزباء و شاب متزوج فهل يا ترى سينصرهم القدر ام كما يقال لا تجري الرياح بما تشتهيه السفن.
