ادعموني بتعليقاتكم و تصويت *ڤوت*
________
كعدت الصبح بدلت ورحت للدوام اول ما وصلت ملكيت غير بنية وحدة كالمعتاد ما عندي شي اسويه كعدت اطلع سوالف حتى احجي بيها وي الابنية وما اضل هيج كأنما وحدة بيها توحد
بدينة نسولف وهاي وشوية اجن صديقاتي وبدأ يمشي الدوام مشاحنات بينة و بين المُدرسات و الإدارة واحنة مصرين ع الي نسويه خلص الاسبوع بسرعة
واتفقنة وي الإدارة ان 40 يوم يلا نشيل الاعلام من الصف وخلاص صارت جزء من يومنة
اعترف قبل جنت افكر ان اكمل دراسة بالخارج و اعيش بالخارج لان كل إعتقادي ان ماكو مستقبل بالعراق بدون ما اعرف اصلا المستقبل هذا بيدي يعني اني الي اسويه واني الي اغيره
وعدا ان المظاهرات الي صارت شجعتني اكو هواي ناس اعرفهم غيروا هالشي بية و واحد منهم محمد من بديت احبه صرت اتأثر بتصرفاته و بكلشي بيه لاني شفته وطني .... واريد يصير الكل عنده وطن
مرت الايام طبيعي لحد ما قرب عيد ميلاده جنت اني كاعدة بغرفتي ع الجرباية ولازمة الفون اكلب بالانستا
ادور بيجات مال هدايا لان اريد ادزله هدية جنت كلشي مجهزته الفلوس موجودة البيج مختارته بس حرت شنو اشتيرله هدية ساعة لو ملابس لو شنو
وبوسط هاي حيرتي طبت مرت اخوية للغرفة
_ها حنين تريدين شي ؟
سارة
_اي هاج خلي اسد يمج
حنين
طببت اسد للغرفة وقبل لا تطلع سئلتها
_ليش ما تخليه يمج ؟
سارة
_مو دالم بملابسنة وهو بس يخربط
حنين
_ليش تلمين لملابسج
سارة
_موو باجر احمد راح ياخذنة لبغداد لأهلي هاي شبيج سارة نسيتي ؟
حنين
_هاا والله مو ببالي
سارة
وطلعت عافت اسودي يمي وراحت وبديت اني افكر و اكول بيني وبين نفسي
اقنع امي و اروح وياها ومناك اكدر اروح عساس ازور مريم واشوفه
ابتسمت واني افكر بعدين تذكرت
يااا لعد والامتحانات مال الشهري شلون ارووح
ضليت افكر وافكر لحد ما استسلمت لان هي حنين لمن تروح ع الاقل تبقى فد اسبوعين واني امتحاناتي بعد اسبوع تبدي
أنت تقرأ
أراكَ لاحقاً (رواية عراقية جريئة)
عاطفيةهسة اكيد فرحتي من عرفتي بهالخبر موو؟ ومنو كال اني مهتمة اصلا رواية قصتها حقيقية باللهجة العراقية عن عشق إثنين بين فتاة عزباء و شاب متزوج فهل يا ترى سينصرهم القدر ام كما يقال لا تجري الرياح بما تشتهيه السفن.
