أراكَ لاحقاً (رواية عراقية جريئة)

6

ادعموني بتعليق و تصويت *ڤوت*
________

خلص الدوام ورجعت للبيت وطبعا اني مدرستي الدوام مالتها نظامهم يختلف فأروح من سبعة ونص الصبح وارجع ب ١ ونص الظهر يعني نص يومي بالدوام رجعت للبيت دخلت للمطبخ لكيت مواعين الغدة تنتظرني شكلهم بدوا حرب ضدي هههه

رحت بدلت ملابسي وغسلت وصبيت اكل لنفسي وبما انهم حارميني من الموبايل شغلت التفزيون وبديت اشوف فلم اجنبي واني اكل

كملت اكل وكمت غسلت المواعين كلها وكل تفكيري اهلي شراح يسوون بعد معقول امي تحجي وياه معقول يكبرون الموضوع اكثر و يوصل لاهله واخواني وابوية لو شنو بالضبط

وبنص حيرتي هاي خلصت اكل ومن الفراغ الي اني بيه كمت فتحت الكتب مالتي اراجع شنو اخذنة اليوم والهي بنفسي حتى لا افكر بيه او بالي ديصير ورغم ان موقفي صعب الا اني جنت احس بنفسي مشتاقة لمحمد واريد احجي وياه

يعني صدك من قريت رسائله وي صديقتي حسيت ان هو فعلا يحبني لان لو هو ما يحبني وما يريدني جان اصلا ما رد ع صديقتي وانطاها بلوك وطلعني من حياته بس ما طول هيج سوة معناها العكس

وفجأة واني افكر غفيت وكعدت الساعة بال8 الليل لكيت اهلي يتعشون فكعدت وياهم واكلت بس لا كلام مني ولا كلام منهم طلع وراها طبيعي جنت لو افتر بالبيت وي الجهال والعب وياهم حتى ما اكعد هيج وحدي وراها رحت نمت لان هذا الشي الوحيد الي اكدر اسويه

كعدت الصبح بدلت ملابسي وغسلت ورحت للدوام طبعا اني ما اتريك لان الصبح ما اشتهي وصلت للدوام وحجيت وي صديقتي لارا وعادي كلامنة طبيعي

_اكلج سارة

_كولي

_البارحة محمد راسلني

_ايي وشكال

_جان يسئلني عليج ويشوف اذا اجيتي للمدرسة لو لا ويتأكد انتِ بخير

_اها وانتِ شكلتي له

_كلت له اي اجيتي وكولشي ما بيج وحجيت له ان اهلج لحد الان ما مسوين شي ويريدونج تعوفيه

_وهو شنو رد ع حجيج

_هو جان خايف عليج وكال اهلج مو مشكلة اذا كولش هو من يمه يتصرف بس اهم شي انتِ زينة وبخير

_اي الحمد لله بخير

سكتنة شوية ورجعت كالت

_وها سارة اكولج كتبي له رسالة وفضيها لان مالي خلك بس يسئل وما احب اني اجاوبه