ادعموني بتعليقاتكم و تصويت *ڤوت*
________
رحت كعدت اشوف الفيديوهات والقصص مال المتظاهرين ودموعي تجري عليهم كولش مقهورة بعدين غفيت
ثاني يوم كعدت بالتسعة الصبح هيج رحت دزيت رسالة صباح الخير لمحمد وبعدين كمت اسوي ريوك
خلصت ريوك ضليت افتر بالبيت لو اعزل لو شو شنو لحد صارت ب ١١ دزيت رسالة للكروب مال الصف
_ها بنات الي مسوية إضراب خلي ترد
سارة
شوية شوية كلها بدت تتراسل وسوينة كروب خاص بينة احنة الي ما داومنة وسميناه اريد وطن وكعدنة نخطط ونتفق شنسوي باجر
الي كلنالها تجيب اعلام واتفقنة نلبس اسود وترتيبات واني قررت اجيب موبايل حتى نصور فيديو وندزه للبيجات التابعة للمتظاهرين
حتى يعرفون احنة صح بالشمال بس وياهم وقرؤنة نسوي تبرعات وكذا
خلص وقت الدوام وبنية دزتلنة كل الواجبات و كالت كلشي صار
كالت ان اغلب الطالبات جانوا لابسين اسود و كمامات بس المدرسة حاسبوهم وكالوا ممنوع ومن هالسوالف
وبالنسبة النة احنة الي سوينة إضراب كلنة اخذنة صفر بالامتحان
طبعا احنة مهتمينة لان توقعنة هيج يخبثون ويانة
خلص اليوم ومصار فد حدث مهم بيني وبين محمد بس سوالف عادية
بس بيومها بالليل امي بدت ترزلني وتحجي علية لان هيج سويت وراح تنقص درجاتي واني متحملت بديت ابجي واحجي بصوت عالي
_يمة اني قلبي ما ينطيني بكل لحظة داحس بوجع بسبب هالشي شلون تريديني اروح اداوم واني قلبي مليان جروح عليهم
سارة
_لا انتِ مستحيل تبجين ع هالشي اكيد عندج سالفة ثانية سارة ما مرتاحتلج
ام سارة
_اضحك كلتوا عندج شي ابجي كلتوا مو راحة انتحر واموت راح تكولون حبيبها خانها وتالي امي وتالي إلى متى تفكيركم راح يكون سطحي شنو اني مو انسان ما عندي احاسيس قابل اشوف الي مطيرين عينه والي الرصاصة بكصته وما اضوج
سارة
شهكت ورجعت كملت
_مع الاسف توقعت انتوا الوحيدين الي راح تفهمون جرحي ومشاعري بس للاسف اني غلطانة بالآخير اني بشر مو من حجر
سارة
وكمت ركض ع اكثر مكان ابجي بيه من انقنر بالإستقبال دائماً فارغ فاروح هناك كعدت هناك وبديت ابجي بصوت عالي
أنت تقرأ
أراكَ لاحقاً (رواية عراقية جريئة)
Romanceهسة اكيد فرحتي من عرفتي بهالخبر موو؟ ومنو كال اني مهتمة اصلا رواية قصتها حقيقية باللهجة العراقية عن عشق إثنين بين فتاة عزباء و شاب متزوج فهل يا ترى سينصرهم القدر ام كما يقال لا تجري الرياح بما تشتهيه السفن.
