لا تنسون تدعموني بتعليقاتكم و تصويت *ڤوت*
________
اتفقنة اني والبنات على الكلام ورتبناه وقررنا نخلي التصوير ورة الدوام
بدا الدرس الثاني واجت مُدرسة تكتب اسماء الي لابسين اسود لان معتبرينة من المخالفات بس طبعا احنة ما اهتمينة وقررنة نلبس الاسبوع كله اسود احتراماً للشهداء
وطبعا اي مُدرسة تطب تسئل هاي شنو وشلابسين وهيج اسئلة تنرفز الواحد وقسم من المُدرسات جانوا يتناقشون ويانة بهالموضوع
بس احنة قافلات على رأينة رجعت للبيت بدلت واتغديت وراها حجيت وي محمد
_هلوو حبيبي ، شلونك
سارة
_طبعا اليوم صارت كوومة احداث وكومة سوالف بس من تجي احجيلك
سارة
بعدين سديت الموبايل وتمددت بفراشي اريد انام بس ما اكدر فرجعت فتحت الموبايل وبديت اكلب بالانستا
لحد ما اجت امي اول ما طبت لغرفتي كبل طلعت من الانستا وطبيت ع اليوتيوب
_شفتج طلعتي من البرنامج شنو جنتي فاتحة ؟
ام سارة
_هاا ولا شي جنت فاتحة يوتيوب
سارة
_لعد ليش طلعتي منه اول ما شفتيني ؟؟
ام سارة
_صدفة جنت اكلب بيه وطلعت
سارة
_اخاف فاتحة انستا ولج
ام سارة
_على كيفج ماما ردت انام وطلعت
سارة
_متأكدة لان انتِ خنتي ثقتي مرة قابل متسويها مرة ثانية ؟
ام سارة
_لا يمة لا اني عندي اهم شي دراستي
سارة
_نشوف ترا عيني عليج ديري بالج
ام سارة
_اي اي
سارة
وطلعت ورة ما راحت كبل دخلت على الانستا سويت تسجيل خروج وحذفته بشكل مؤقت لان ع ساعة تجي وتلكيه وانفضح
وبعدين اذا انزله عود دائما اسوي تسجيل خروج حتى يعني اخاف شافوه صدفة اطلع اي حجة وتقتنع بعدين صدك سديته ونمت
كعدت هيج بالستة المغرب كمت غسلت ورتبت فراشي وطلعت كتبي حتى اقرأ وادرس وشوية قبل العشة اجتني ليان وسئلتني
_شدسويين ؟
ليان
_اريد اقرأ
سارة
أنت تقرأ
أراكَ لاحقاً (رواية عراقية جريئة)
Любовные романыهسة اكيد فرحتي من عرفتي بهالخبر موو؟ ومنو كال اني مهتمة اصلا رواية قصتها حقيقية باللهجة العراقية عن عشق إثنين بين فتاة عزباء و شاب متزوج فهل يا ترى سينصرهم القدر ام كما يقال لا تجري الرياح بما تشتهيه السفن.
