ادعموني بتعليقاتكم و تصويت *ڤوت*
________
ورة ما شفت هالرسائل هواي توترت وكومة أفكار اجت بعقلي وما عرفت شنو اسوي واني دائما من اضوج او اريد اكعد وحدي اروح للأستقبال فكعدت هناك واني غركانة بأفكاري السوداوية وفجأة امي دخلت وهم بدت تحجي وياي نفس الحجي مال ليش هيج سويت وتسئلني شلون وليش وفجأة كالت لي
_سارة ضحك عليج بكلمتين وكالج راح يزوجج موو
_ها شنو منو كالج هالحجي
_سارة انتِ كلبج طيب وما تعرفين حتى منو كالي
_منوو ماما حبابة احجيلي
_صديقتج العزيزة لارا راسلت ليان وكالت الها كولشي بالتفصيل
_شنو مستحيل
_لا مو مستحيل بنيتي انتِ دائما تثقين بالأشخاص الغلط
_شلون هيج
_هي حجت وي اختج وكالت اني اخاف ع سارة وما اريدها تسوي شي غلط وعمود هاي حجيتلكم
ضليت اني ساكتة من الصدمة بعدني ما مستوعبة وما اكدر احجي وبعدين امي حجت
_سارة اعرف بيج تحبينه واعرف بيج مصدكة من حجيي الطفولة بس هذاك حب جهال يعني شي كلاوات مو دايم بس اني اريدج تحجيلي انتِ
_ماما هو بالبداية كالي ان هو راح يترك مرته وراح يخلص منها لانه ما يريدها واني هواي انقهرت ع حالته وشفته تغير مو هو نفسه محمد القديم
_يعني شلون
_يعني كبل جان هيج مراهق ومو محبوب وشخصيته مو حلوة وجنت اضوج منه
_بس اني من عرفته اكثر تغير هذا تفكيري وشفت هو شخص زين وتغير لأحسن وبعدين ماما انتِ تعرفين وضع بيتنة مو تمام ودائما مشاكل وسوالف انتِ وابوية واخواني هم لا احد يحترمني ولا ياخذوني بعين الاعتبار بس من حجيت وياه هو جان يحترمني وصدوك امبين يحبني مع اني ما جنت هواي مطيته عين وجنت دائما احجي عليه واشمر عليه بسامير بس هو ما كال شي واتحملني
_زين انتِ تعرفين هو عايش نفس الي تعيشيه يعني ماكو اختلاف بين مشاكل حياتج وحياته شنو الي خلاج هيج تسوين
_اي صح احنة اثنينة نعاني من نفس الشي بس هذا احد الاسباب الي خلتني ارتاح له يعني احسه يفهمني
_سارة احنة ما نفهمج لو مقصرين وياج
_لا ماما لا كولشي ما مسوين لي انتوا بس اني نفسيتي جانت تعبانة ومن جنت احجي وياه جنة اثنينة نضحك ونسولف يعني جان الموضوع يفرحنة اثنينة
أنت تقرأ
أراكَ لاحقاً (رواية عراقية جريئة)
Romanceهسة اكيد فرحتي من عرفتي بهالخبر موو؟ ومنو كال اني مهتمة اصلا رواية قصتها حقيقية باللهجة العراقية عن عشق إثنين بين فتاة عزباء و شاب متزوج فهل يا ترى سينصرهم القدر ام كما يقال لا تجري الرياح بما تشتهيه السفن.
