هذا البارت الثالث استمتعوا
______
مرت ايام واني ومحمد بعلاقة كل كلامنا غزل و رومانسيات تعودت عليه وعرفته اكثر طلع شي ثاني يعني يختلف عن الكلام الي سمعته عنه وطبعا عن محمد هواي اكو كلام مو زين بالعائلة بس رغم هالكلام اني ما اهتميت وكلت اجرب يلا احكم عليه وعلى طبعه
وطبعا من بديت احجي وياه لحد الان ولا يوم غثني ولا كالي على عينج حاجب وخاصة ان كل واحد بينة عاش وكبر بمجتمع مختلف فأكو هواي شغلات عائلته ملتزمين كولش بيهة واني لا مثل الصلاة والحجاب وكذا
بس اني لا محجبة ولا ملتزمة كولش بالصلاة يعني نص ونص بس هو ما حجة ع هالشي ودائما اذا عنده شي محتار بيه يجي ياخذ رأيي مع اني اصغر منه بخمس سنوات بس هو جان يعتبرني حالي حال البالغين لان مثل ما تعرفون عمري جوة الـ 18 فأعتبر قاصرة او مراهقة
وبيوم اني ومحمد جنة نحجي وقررنة شي
_اكولك حبيبي اني ما احب اضم شي ع امي وتعرف بيها هي هواي تحبك
_يعني تريدين تكولين الها ع علاقتنة
_اي حبيبي امي من النوع الفري يعني ممكن تتقبل الموضوع لو كلت الها ان انت تتنظرني حتى اخلص دراستي وهاي
_ماشي يعمري ما طول هي راح تتقبل الشغلة كوليلها بس بالبداية لمحي الها للموضوع اذا شفتيها عادي احجيلها
_اوك لعد اني هسة اروح احاجيها
وكمت رحت يم امي جانت كاعدة بالصالة او بالهول كعدت بصفها ع القنفة وكالت لي شوي اسوي مساج لراسها فحطت راسها بحضني وبديت اسويلها مساج وجنة عادي نحجي طبيعي وبعدين كلت خلي احجي الي بكلبي من هسة فكلت الها
_ماما اتخيلي منو حجة وياي قبل كم يوم
_منوو مصطفى ؟
طبعا مصطفى ابن عمي وهو اصغر مني بس كلها ملزكته الي وطبعا بالشقة بس اني ما احب هالشي وينرفزني
_لا مو مصطفى
_لعد منو ؟
_محمد حجة وياي
_يا محمد ولج
امي هيج كالت لان بعائلتنة كومة اكو محمد
_ماما محمد الي اجانة ذاك اليوم
_وين حجيتي وياه ولج
_ماما هو من اجة اخذت حسابه مال الانستا وذاك اليوم صدفة رديت ع الستوري مالته وبس سئلني عليكم وهاي
أنت تقرأ
أراكَ لاحقاً (رواية عراقية جريئة)
Romanceهسة اكيد فرحتي من عرفتي بهالخبر موو؟ ومنو كال اني مهتمة اصلا رواية قصتها حقيقية باللهجة العراقية عن عشق إثنين بين فتاة عزباء و شاب متزوج فهل يا ترى سينصرهم القدر ام كما يقال لا تجري الرياح بما تشتهيه السفن.
