أراكَ لاحقاً (رواية عراقية جريئة)

2

هذا البارت الثاني آنجوي
______

من سمعتها هيج تكول توترت وكلبي بدا ينبض سريع واني جنت هستوني كاعدة فبديت افرك بعيني حتى اتأكد هذا مو حلم وكلت لملاك

_شنوو شعنده هذا وياي

_وولج هو كال اريد اسلم على البنات قبل لا اروح

_اوك هسة اجي

كمت رحت غسلت وجهي وفرشت سنوني ومشطت شعري هالسوالف بالعادة ما اسويهن كلهن اول ما اكعد اسويهن ع كيف بس لاني جنت متوترة هيج سويت وبسرعة وبقيت ساعة كبال المراية اتأكد ان كولشي تمام وماكو ولا غلطة بديت اتمشى للمطبخ لانه جان كاعد هناك وجنت احس رجلية بالكوة امشيهن ثكال رحت دخلت للمطبخ وكلت بصوت عالي

_صباح الخير

هو كبل باوعلي وكال وهو مبتسم
_صباح النور

وامي هم ردت علية رحت اني بست ايد امي وهاي هم مو دائما اسويها بس حتى اتجنب احاجيه واباوع له هيج سويت جنت جوعانة بس ما اكلت لان التوتر ذابحني فرحت اخذت كلاص مي وبديت اشرب ع كيف وايدية جانت ترجف جنت خايفة لا اوكع الكلاص شكد ما ارجف بس اني من شفت بنفسي راح اوكع الكلاص حطيته ع الكاونتر وضليت اباوع لمحمد وهو يحجي وي امي ويسولفون

كعدت على الميز الي هو هم كاعد بيه واخذت ابن اخوية وحطيته بحضني حتى العب وياه وما اباوع لمحمد وبعدين بديت اركز بكلامه

_شوف هذا ليش يشوف ستورياتي وما يرد

عاد اني جذبني كلامه وسئلت

_ستوريات مال شنو؟
وهو باوعلي ورد

_مال انستا وفيس
اني هنا شوية انفكيت وكلت

_عندك انستا سويلي فولو

وهو رد
_شنوو

_تابعني

_ايي شكو بيها شنو اسم حسابج
اني بديت ارد باليوزر مالتي بس هو مديلحك علية

_هاج انتِ كتبيه
وانطاني مبايله عاد اني ما عرفت منين يغير اللغة لان نوعية مبايله تختلف عن مالتي فكلت له

_شلون اسوي انكليزي

هو طخ اصابع ايدي وغير اللغة واني كتبت اليوزر مالتي وخليته يتابعني بعدين فتحت البايو مال حسابه وبديت اضحك

_من شوكت عمرك 22

_كال اني عمري 22

_رجعت كلت له لا عمرك 21 بعدها السنة ما خلصت وانت دخلت التحديث الجديد
وضليت اضحك

هو باوع لأمي وكال
_اشو هاي تفشل، خالة اني موو عمري 22 ؟

امي هم ضحكت وكالت