لا تنسوا تدعموني بتعليقاتكم و تصويت *فوت*
_______
راح محمد وضليت اني اقرا و الابتسامة ما تروح من وجهي لان كل شوية اذكر كلامه ورة ما كملت قراية رحت تعشيت وي اهلي
_هاي شنو سوسو مو من عوايدج تضحكين بوكت الاكل
اخو سارة امير
_عوفها وليدي هي صارلها اسبوعين ما تضحك بوجهنة مو زين هسة ضحك
ام سارة
_وليش من الاساس جانت كالبة وجها
احمد
_انت اسئلها اني شمدريني
ام سارة
_اي والله صدك ولج ليش ما جنتي تضحكين ويانة وعازلة نفسج
امير
_مو تعرف الدوام بدا وبعدي ما تعودة كومة دروس و خبصة فجنت من التعب ما اضحك وياكم وجنت اكعد اقرا
سارة
_متاكدة ؟
احمد
_ايي
سارة
_ليان صدك جانت تقرا لو كلاوات هاي
احمد
_لا صدك جانت دائما تقرا
ليان
_ايي عفية اختي انريدج تطلعين دكتورة
احمد
_ايي ان شاء الله
سارة
وكام احمد راح يغسل وضليت اني اكل و شوية وهم طفرت ما اكدر اضل كاعدة اخاف لا الساني يزل لو اسويلي عركة وياهم
كمت غسلت ورجعت لكتابي بديت اقرا بتركيز وبعدين لميت كتبي ورحت لفراشي بس قبل لا انام شسويت فتحت الموبايل شفت صورته وقريت المحادثات وبديت اضحك بعدين طفيت الموبايل ونمت
كعدت الصبح وحدي رتبت فراشي وبدلت بعدين لزمت الموبايل ودزيتله رسالة
_صباح الخير
سارة
ما جنت متوقعة يرد بس الحظ سواها وطلع كاعد
_صباح الخيرات شعجب اليوم من الصبح مراسلتني
محمد
_اي مو عندي دوام وجنت كاعدة وساكتة كلت خلي ادزلك
سارة
_اريدج هيج دائما
محمد
_ماشي منا وهيج بس اكعد اراسلك
سارة
_صدك سوسو دزيلي صورتج صارلي كومة ما شايفج وهم اريد اشوف الزي مالتكم
محمد
_اوك هسة اخذ صورة
سارة
رحت وكفت كبال المراية اخذت صورتين سلفي و وحدة امبين بيها ملابس مدرستي دزيتهن اله وجنت منتظرة ردة فعله
أنت تقرأ
أراكَ لاحقاً (رواية عراقية جريئة)
Romanceهسة اكيد فرحتي من عرفتي بهالخبر موو؟ ومنو كال اني مهتمة اصلا رواية قصتها حقيقية باللهجة العراقية عن عشق إثنين بين فتاة عزباء و شاب متزوج فهل يا ترى سينصرهم القدر ام كما يقال لا تجري الرياح بما تشتهيه السفن.
