لا تنسون تدعموني بتعليقاتكم و تصويت *فوت*
________
اني محمد شاب عمري ٢٢ سنة طويل وعندي لحية عيوني صغار ولونها بُني غامق طالب سادس إعدادي صارلي كم سنة بيه ما نجحت البس مناظر مرات مو كولش ضخم بس عندي اكتاف عريضة شوية سمين مو ضعيف
عندي اخ واخت اكبر مني من امي لان امي جانت قبل متزوجة قبل ابوية بس زوجها مات وتزوجت ابوية بس عادي ابوية ربى اخواني ومتعودين ع بعض ماكو لا مشاكل ولا شي
اختي تزوجت من ابن خالتي واني صغير فيعني ما عاشت ويانة ولا لحكت عليها هواي ، ابوية شيخ ديني وامي تلبس بوشية وعائلتنة كلش متحفظة
وبسبب شغل ابوية امي وابوية جانوا يسافرون وي الحجاج والمعتمرين ويعلموهم ع المناسك مال الحج والعمرة وهيج سوالف فاغلب الوكت جنت اني واخوية نضل يم خالاتي
واخوية جان يكدر يعتمد ع نفسه لان هو اكبر مني ب ٧ سنين فمو هلكد يهتم اذا اهلي موجودين او لا
مرات جانوا يبقوني يم بيت اهل سارة من كعدوا ببغداد سنتين هيج وعادي لان صغير ورغم هي طفلة واني هم اعتبر طفل بس جنت احب العب وياها وجانت حب الطفولة
وطبعا وين ما اروح اكول عليها خطيبتي وخطيبتي لحد ما شالوا و كعدوا بكركوك وبعد كمت اشوفها كل سنتين
اني جنت شوية دبدوب واني صغير وكلها متعودين علية بهالشكل لحد ما صرت بالثالث متوسط ضعفت وتغير شكلي وصرت انحسب وي الشباب
صح اهلي جانوا هواي يسافرون واهملوني بطفولتي بس هم جانوا مدلليني يعني شنو اكول يصير شنو اريد يجبون لي وما حارميني من اي شي
لحد ما اجت فترات وابوية بدا يريد يتزوج على امي وصدك سواها واتزوج وفتح بيت لمرته الثانية وصار عنده ثنين جهال ولد يعني صار عندي اخوان ثانين
وامي حارت شتسوي حتى تخليه يعوفها بس مكدرت لان صار عنده جهال وحرام يعوفهم هيج فبذيج الاثناء امي شسوت زوجت اخوية لبنت خالتي مريم واستقروا ويانة بالبيت
بس جانت امي تعتقد بسبب اكو غرف فارغة بالبيت ممكن ابوية يجيب ضرتها وياها واني هم صار عمري ١٨ وتوي بالسادس اعدادي
شفت اخوية تزوج واشتقر بحياته وغيره هم نفس الشي بديت افكر بالزواج وتوقعت راح تكون بداية حلوة علية وحياتي راح تصير احسن بديت افكر بالبنات مال كرايبنة وحدة وحدة لحد ما اجت سارة ع بالي
أنت تقرأ
أراكَ لاحقاً (رواية عراقية جريئة)
Romanceهسة اكيد فرحتي من عرفتي بهالخبر موو؟ ومنو كال اني مهتمة اصلا رواية قصتها حقيقية باللهجة العراقية عن عشق إثنين بين فتاة عزباء و شاب متزوج فهل يا ترى سينصرهم القدر ام كما يقال لا تجري الرياح بما تشتهيه السفن.
