أراكَ لاحقاً (رواية عراقية جريئة)

1

هذا اول بارت استمتعوا
______

هلا اني سارة اسفة ما عرفتوني بشكل مناسب بس هسة راح تعرفون شنو وشكو وليش اولاً اني طالبة بالخامس إعدادي ادرس علمي لاني ما اعرف احفظ طولي متوسط وعيوني و شعري لونهم قهوائي يعني جوزي بس فاتح شعري طوله متوسط عيوني صغيرات مو اكبار وبس هذا شكلي

عندي ثلاث اخوان و ثلاث اخوات بعضهم اكبر مني وبعض اصغر مني يعني اني وسط المهم عائلتي كبيرة مثل ما شفتوا وطبعا عندي عمام وخوال بس مراح احجي عنهم هواي لان احنة عايشين بغير محافظة وهم بغير محافظة فلهذا السبب مراح احجي عنهم هواي

اي صح اني جنت احب متزوج وصراحة بعدي احبه بس هسة راح تعرفون كلشي

قبل ثلاث سنوات

اني كاعدة بغرفتي وامي جانت تخابر تحجي وي بنت عمي وهاي وصدفة اني كمت كعدت يم امي حتى احجي وياها وبنفس الوكت جنت اسمع كلامهن بالتلفون

_عمة كالوا لج لو لا؟

_لا والله بنيتي ع شنوو يكولون لي؟؟
اني بذيج اللحظة من يمي سكتت وصار عندي فضول اسمع عاد بنت عمي مريم ردت وكالت

_عمة اليوم راحوا خطبوا لمحمد
اني غير سمعت واحس حلكي انفتح مترين وراسي بدا يوجعني يعني اني بطبعي من اضوج وانصدم ما ابجي ولا شي لا كبل راسي يبدأ يوجعني وبعد ما اكدر احجي فبوكتها راسي راد يخبلني من الوجع وضليت اسمع كلام امي بس احس بنفسي كأنما ما مصدكة

_ايي ع الخير ان شاء الله شوكت يزوجون

_والله ي عمة الابنية بعدها تداوم فمنا لكم شهر ينقلونها ويزوجون
كل اللي سويته ورا ما سمعت هالكلام كمت ورحت للغرفة ما سويت شي بس سويت نفسي ما مهتمة وكملت حياتي

لحد ما ورا سنة اهلي قرروا نروح نزور باقي اقاربي وعادي رحنة وهاي بس بوكتها محمد ومرته جان عندهم طفل ومن رحنة نزورهم لبيتهم سلمنة وكعدنة بالصالة اجة محمد وسلم ع امي وبدوا يسولفون واني لازمة المبايل بس اطفيه اباوع للساعة واسده يعني جنت اي شي اسوي حتى ما اباوع له ولا تطيح عيني بعينه بس رفعت راسي وتلاكت عيونة اني كبل باوعت لجهة ثانية وهو حجة

_اكولج خالة هاي سوسو شلون صايرة كبرانة
واني بس سمعت سوسو كلبي بدأ ينبض وتوترت طبعا سوسو دلعي بين العائلة وامي ضحكت وهو رجع كال

_صايرة مرة ولابسة حجاب يلا عود اخذها الثانية

اني هنا عيوني بدت الا شوية تدمع بس ما تحملت هالمهزلة ورفعت راسي وباوعت له وكلت بصوت عالي وثابت حتى الكل يسمع مو بس هو