ادعموني بتعليقاتكم و تصويت *ڤوت*
_________
مرت ايام وايام واني بعدي من احجي وي لارا احجي وياها بمواضيع سطحية ومالها اي اهمية حتى بس لا تكول تجاهلني وهيج سوالف
وبنفس الوكت بعدي لا ماخذة موبايلي ولا محاجية محمد بأي وسيلة لحد ما اليوم بالدوام حجت ويانة مرشدتنا قبل لا نروح للبيت وكالت
_بنات اذا ما لحكتوا تكتبون الشرح راح اخذ صورة وادزه للكروب
اي كروب احنة عدنا كروب وي الطالبات والمرشدة بالتلي ومرات هيج تسوي تدزلنة ملخصات وهيج اذا منلحك بالمدرسة وبما اني موبايلي مسحوب راح اضطر لو اخذ موبايل امي لو اقنعهم ينطوني مالتي
وصلت للبيت واكلت وبدلت شوية اهلي صاروا تقريباً مثل قبل ما يذكرون موضوع محمد ابد وبدت معاملتهم ترجع عادية
وسالفة انهم ما يحجون وياي ما أثرت علية لاني من الاساس كضيت عمري كله وحدي يعني بالطفولة جنت العب وحدي اروح اشتري وحدي و هواي سافرت وي ابوية بدون امي و اخواني
فيعني مو فد شي غريب علية انهم ما يحجون وياي لاني اغلب الاوقات وي نفسي اكعد ولا نحجي هواي الا وكت الاكل لو اذا نريد نطلع او شي
وحتى كرايبي بغير محافظات ويادوب اشوفهم كل سنتين او اكثر من انروح الهم لانهم ما يجونة سوو شعندي غير الموبايل و المدرسة
بس رغم هالشي اني اجتماعية واحجي هواي وما عندي هالسوالف مال خجل زايد و دلع بالعكس تحجي وياي احجي وياك وطبيعي هذا اني تفكيري
المهم رحت يم امي وحجيت وياها
_اكولج ماما
_كولي
_مرشدتنة راح ادز النة شغلات مهمة ع التلي انطيني موبايلج
امي سكتت شوية حتى تفكر ورجعت كالت
_اوك هاج بس مو تخلصين الشحن
_لا لا ما اخلصه
وطبعا صدوك رحت نقلت الناقص عندي ورجعتلها موبايلها لان من البداية هذا جنت اريده وطبعا ما طلبت موبايلي حتى تصدكني اني صدوك اريد اخذ موبايلها عمود الدراسة
بس للأسف هالشي بدأ يتكرر تقريباً 3 ايام اني اجيها اخذ موبايلها وامي ما تحب هالشي
ورة كم ايام جان عندي امتحان ورحتلها
_ماما انطيني موبايلج احتاجه حتى ادرس للامتحان
أنت تقرأ
أراكَ لاحقاً (رواية عراقية جريئة)
Romanceهسة اكيد فرحتي من عرفتي بهالخبر موو؟ ومنو كال اني مهتمة اصلا رواية قصتها حقيقية باللهجة العراقية عن عشق إثنين بين فتاة عزباء و شاب متزوج فهل يا ترى سينصرهم القدر ام كما يقال لا تجري الرياح بما تشتهيه السفن.
