بذرة حب

البارت الخامس

كعدنه الصبح بسبعه
.امي يله بنات هم يله اتكومن اميره يمه كومي وراج صالون ترحين من وكت لازم
مرام .كعدت وي امي سوينه ريوك ونضفنه وحضرنه الغدى اني ومها وامي عدنان اخذ اميره وياه بنات خالتي اخوات حازم
لضهر اجو بيت عمي ماجد هوى ومرته وبناته تلاثه ولده اثنينهم البنات اجن ايساعدنه عذرى الجبيره بعمر اميره وميس ومنال بكدي توم بس ميشابهن
صبينه غدى وتغدينه سوى
من وكت حتى نلحك وخالاتي اجن ورى الغدى هنه وبناتهن ولدهن
وعماتي وبناتهن كله التمت وكرايبنه صارت هوسه لما خلصنه شغل اني ومها رحنه انبدل اني رحت لغرفتنه اني واميره البنات صايرات هوسه لتمكيج ولتلبس ولتتعطر وهاي حمرتي وهاذ باودرج
هاي المن الكحله منو عده مسكاره
اووو اخذت ثوبي ورحت لغرفت عدنان بس مها واخته وخالتي
لبست فستاني جوى الركبه ماروني مخصر من الخصر والصدر تول ومن جوى اكلوشه
فتحت شعري كويته نزل جوى الخصر
وخليت كريم اساس واحمر خدود وحمرى وردي ومسكاره خفيف كولش استحي اطوخه بس كولش حلو طلعت لبست الكعب اسود ولبست خلخالي
صفنت بملامحي حلو طولي وطول شعري وخدودي وبياضي اجه ع بالي ياسر تمنيت ايشوفني
بله اعجبه وشون ايباوعلي ما اجو بيت عمي ابو ياسر طريق بعيد وكالو بيوم العرس يله نجي
نفضت راسي من افكار ونزلت صوت الاغاني ايسوي واهز للركص
خاله يم علي يم علي خاله.
شكل لمي من اروح انكسرت الشيشه.
ادندن وياه واحضر بلكلاصات العصير
ومواعين الكيك واسمع دكه ع باب المطبخ التفتت جان الكه حازم واكف امجتف وصافن ع طولي انصدمت وكمت ما اشوف دربي شردت من المطبخ واني كلبي يرجف
والله ما يستحي مايكول عرضي عيب حرام ما يخاف واحد. من اخواني ايشوفه همه وين راحو اتذكرت رحو ايجيبون البنات واحمد ايحب زهراى اخت حازم فيريد هوى ايروح وي عدنان علموده
وحازم ضل البيت لم طيره طارت بي فرد طيره اخذ راحته وطب ايبصبص
ايلموني ما احبه عوينجي.
عذرى. ههههههه ههههه هاي شبيج جنج عجوز ماكول عشاه
مابيه شي بس حازم طب للمطبخ وشافاني هيج وانقهرت اني احجي وعذراى انكلب وجه وكامت اتباوع عليه وع لبسي
ااا حازم وينه
.راح اشبيج انكلب وجهج
.لالا مابيه شي عافتني وراحت والله جنه طايحه ومحد امسمي عليه خطيه عاد ماحبيتي اله حازم عوينجي
اجت اميره وصدك طالعه اميره اتخبل مكياج هادء كولش وشعره فاتحته ع طوله ومن فوك مرفوع كلش حلو بدلته حوريه لونه سماكي دمعت عيني واني اشوفه ما اعرف اشون افاركه
دخلنه ركصنه لما نملت رجلينه اني والبنات اجه العريس وخواته واخوانه وامه وعماته وخالاته صارت لحم هم ركصن وهوسن احنه كلنه لبسنه عبي ﻹن الشباب دخلت وحازم عينه عليه وين ما اروح يمكن لو ياسر هيج ايباوعلي اطير فرح ﻹن احبه. بس حازم لا
محمد واميره كولش حلوين ولايكين لبعض اتمنيت يجي اليوم لنكون اني وياسر ابمكانهم
واجت سما وركص وركص لما صار اليل ذبينه لحم وزعنه الفات والكيك والعصاير وخفت الرجل وراحت الناس اشويه اشويه بقو بس عماتي وخالتي والبنات وبيت عمي ماجد نضفنه البيت وكوى سوينه عشه ميتين تعب كعدنه سوى والشباب اتحشش والبنات اتسولف لمه حلو كولش لمينه المواعين وخلينه قوري الجاي وعلبة الشكر الحمرى وكوابه ساده وكعدت امي بلهول اتصب وتنطي واحنه اسوالف وذكريات كولش اتونسنه انوب رحنه انام مدينه بصطح البنات كلهن حتى ناخذ راحتنه وكعده سوالف وغيبه ونميمه ع شقى نصبنه ع اميره كلنه البنات جعنه تالي اليل والرقيقات ايعيبن جي جعنه ودينه النادره عذرى واميره. جابن خبز وجبن وخمس اكوابه جاي للكالن جعنه كعدنه ناكل واجن الرقيقات عود زهراى وزينب ويانه
مرام الكمه بحلكي واحجي ها عيني زينبو زهرا مو ما تشتهن وصايرات اكيوت شو هجمتن ويانه
زينب والله مو مال كياته من شفتجن دنت نفسي
ههههههههه اكلو اكلو هاي تبقى ذكرى
لما انعجز نتذكر
خلصنه اكل ونمنه انباوع ع النجوم ونسولف كل وح
ه موقف ذكرى سالفه لما غفينه

حسيت الصبح والضوى يضرب بعيونه وصوت العصافير وهوى هادي كعدنه كلنه كفاشينه وحده تضحك علخ
رحنه غسلنه واني فرحانه منتضرى يجي بيت عمو ياسر احس حيل مشتاقتله صار اشكد مشايفته خاصه هوى اتخرج وتعين بشركه اهليه ماجانه بعد نزلنه اتريكنه ونضفنه واخذو اميره وعذرى وياه لصالون طبخن امي وخالاتي الغدى واحنه البنات انضف واجو بيت عمي ياسر
دخلن بناته ومرته فرحنه بيهن ﻹن نادرا ما يجنه جنت احس روحي كلبي طاير بسما تمنيت اول وحده استقبل ياسر واسلم عليه ركضت لغرفتنه مكيجت خفيييف كولش بس ترتيب

يتبع