بذرة حب

البارت السادس عشر

سأحفـر اسمك فوق كل ركن بـجسدي
على قلبي و عيناى و ستكـونى تــــاج على رأسى
سأرسمك تـــــــــرتيل عشق فى قلبى الــــــصغير
سأكـــتبك بــ كل صفحــات حيـاتى عنـــوانـاً لأيــامي
سأعيشك حلمـــــــاً و حقيقــــــــة وخيـــــــــــالاً
سأحيـــــا بــك أبــــــــــــــــديــاً دون نهــــــــــايــــات
و عشقــاً أزليـــاً مهما طـــــالت المســافــــات
سأحبـــك و أحبــــك و أحبـــــك و أحبـــــــــك
بـــرغم كــــــل القرارات فأعلم أأنــــك تتعــذب مثلـي
و يحرقك لهيب شوقي حبيبــــي
حبيبـي عـــاهدت نفسي أن أكـــــون لك وحدك
فـــان لم أكـن لك جسـدا فـقــــلبي وروحــي مــلكك

الكاتبه (مريم الهادي)

جاي امشي يم حايط عالي حته الشمس متضرب براسي  تقريبا ساعه سبعه اله ربع بس حاره جانت وماكو احد من وكت طالعه جان فجاء تصفط سياره يمي بحيث من سرعته وقربه حسيته راح تدعمني صرخت ووكع كتابي جان ينفتح الباب واشوف ياسر بهتت جان شكله تعبان

.اصعدي

.ياسر شجابك؟!!!

..كتلج اصعدي

..ياسر فدوى شتريد  مني ما اريد اصعد عندي متحان جان شكله عصبي خفت منه

..تخافين مرام اتخافين منييي؟!!
..لا ما اخاف
..صعدي بس احاجيج جان يحجي مدنك ايباوعلي من جوى كصته
..صعدت يمه قفل البيبان ومشه ياسر وين ماخذني يااااسر وين رايح مواحاجيك اشبيك
جنت مشتاقتله اباوعله واحجي بس ميجاوب

صفط السياره يم حديقه وشارع عام جانت سيارات قليله وشكم محل امفتح توهم ايرشون بشارع انتبهت لياسر
جان لابس دشداشه اماراتيه جوزيه شعره ثخين عالي عيونه سود كبار وخشمه طويل والدشداشه  حاضنه اكتافه  سكتت وضلت عيوني اتراقبه اريد احفظ تفاصيله كول تفصيله منه تسوى الدنيه عندي جان عطره حلوو كولش  اني ساكته وهوى ساكت جان باوعلي وصفن بعيني  وكال

.ليشش
اول ما صعدت جان عصبي حيل وحواجبه مطبوكات بس من صفن بعيوني حسيته رخه حجيت

اخر مكالمه بينه جنت فرحانه ومن غبائي خابرت صديقتي اسولف اله عنك صوتي عالي جان نسيت كولشي سمعني عدنان احجي ولتمو عليه اذوني ياسر بس مكدرت اجيب طاريك خفت عليك حاولت اتصل بيك كوله مغلق مجان بيدي شي

من حجيت دار وجهه عني
جانت عينه ع الشارع حسيته محتقرني حتى مباوع عليه من احجي
ياسررر انته شبيك مو جاي احاجيك

..بله اني شنو بنضرج اريد اعرف؟؟

.مفهمتك

اتشوفيني ازلمه لوووو زعطوط وخفتي اجيبين طاريي خاف يكتلوني مثلا لو شنو جان خازرني ويحجي انتي ليش غبيييه

. ليش تحجي وياي هيج  البيه كافيني ياسررر اااي اني جبانه وغبيه مدبرته ما كدرت اوكف بوجهم رجعني عندي امتحان كافي كله تلومني تعبت والله تعبت غطيت وجهي وبجيت