بذرة حب

البارت الثامن والعشرين

الكاتبه(مريم الهادي)

.انه ذَاك الماغُفى ولا نام ليلة
انه ذَاك المُنتظر منكم رساله
تردله حيله🖤..

مرام ..مرت ايامي وتغير كلشي بيه ما
شكلي وجسمي صرت عضم وجلد
اهلي ملو كد ما حجوو مجنت اسمع لشي قدمولي ع الكليه انقبلت تربيه عربي
كلية بغداد
مجنت الي واهس بكلشي
صار شهر ع فقدان ياسر
ما اكول موت ﻹن ممصدكه  ايموت ولا اريد اقتنع بهل شي منتضرته يجي وكل يوم ادعي ربي يرده الي

اجه الدوام وداومت 
وصلني احمد
دخلنه وسالنه ع مكان القسم
دلونه
دخلت للقاعه جنت مستغربه كولشي
كعدت ع الاستيج واشوف البنات لبس ومكياج والضحك
جنت لابسه جبه سوده وشال اسود
تمنيت اضحك مثلهن واضحك
بس مجان الي فرحه باي شي ضليت كاعده وحدي لما دخل الدكتور
عرفنه ع نفسه وتعرف علينه
جان دكتور بعمر عدنان عمره تقريبا خمسه وتلاثين سنه
خلصت المحاضره
طلعت بلحديقه
اجت ابنيه شفته بلقاعه مالنته
رشيقه حلوه لابسه تنوره وستره محجبه
نور..هلوو ممكن اكعد يمج
مرام.تفضلي
نور.اني اسمي نور وياج بلقسم شنو اسمج يحلوه وليش هيج حزينه

.مرام اسمي
حزينه خطيبي  مفقود

نور. ياعيني وين انفقد

مرام.يكولون استشهد بس مستحيل ايخليني وحدي حساسي ايكول هوه عايش نزلت ادموعي جنت محتاجه وحده احجيله بدون متكول انسي عيشي  مات راح

نور.حبيبتي والله كسرتي كلبي اسفه ذكرتج وبجيتج
نخطبتو ع حب

مرام .اي عن حب

نور.حياتي اذا تحبي لاتسوين بروحج هيج اكيد يتاذه اذا جان عايش ربي ايرده بسلامه واذا شهيد فكل احنه راح انلحكه
باوعتلي وبتسمت لاتبجين هاي العيون الحلوه
تاكلين شي راح اجيب لفات من النادي
مرام .لا شكرا ما اشتهي
كامت اشويه واجت جايبه لفات وجاي وجايه
نور.هاج مااحب اكل وحدي اريد واحد وياي واهس
مرام.والله ما اشتهي شكرا
نور.اشبيج اريد ايصير بينه زاد وملح
كثرتلج ملح حتى ايغزر بينه ههههههه
مرام.بتسمتلهه واخذت الفه مردت اخلي بخاطره
اشويه واجن بنات اثنين
ها نور انتي اهنا ندور عليج
نور. تعرفت ع صديقه جديده حلوه روحن بعد متفيدني

البنات انجبي لج انتي ميغزر بعينج شي اتسويهه والله
نور.هههههه خل اعرفجن
مرام  هاي صديقتي اسماء
وهاي رسل
مرام.اهلا وسهلا بيجن اتشرف
اسماء .النه الشرف حبي
رسل.اهلا بيج حبي
مرام.كعدن البنات ايسولفن ويحششن واني ابتسم ع اسوالفهن طلعني من الجو شويه
خلصنه دوام وطلعت انتضر احمد يجيني
طلعت برى انتضر اتاخر
شفت نور اجت هااا منتضره خط لو واحد يجيج
مرام.لا اخويه يجيني هسه
طبكت سياره بيهه ولد شاب
نوره هاذ اخويه خل نوصلج بطريقنه
مرام.لاا شكرا حبي هسه يجي اخويه
نزل الولد طويل اسمراني 
. السلام عليكم
نور.هلوو امجد اشلونك
مرام.وعليكم السلام
امجد هله يله اصعدي
صعد ونور جلبت بيه مرضيت صعدت
ولافت السياره ورجعت
امجد. ترى متسوين زحمه اصعدي اوصلج بطريقي احسن ما الشمس تحركج
مرام.متقصرون هسه يجي اخوي
امجد.خابري كوليله اجي وي صديقتي
مرام .شكرا اخوي حيجي