بذرة حب

البارت الرابع والعشرون

مرام. ايحبني وصار زوجي ماعندك دليل انو هوى اخذني اعناد اني متاكده راح اعيش ويا سعيده روح شوف حياتك كافي تركض وراي ادري ماكو غيري

حازم. هيه هاي مشكلتي خليت ابكلبي وعقلي وحده متريدني بس راح تثبتلج الايام يا مرام وتتاكدين من كلامي

مرام .كافي شوف حياتك وخلي حياتي اني المسوله عنهه باي
مشيت وخليته بمكانه صافن
اجذب اذا اكول كلامه ماثر بيه شنو ليخلي واثق من كلامه وشنو التثبته الايام حاولت اطلعه من بالي وانسه

رجعت للبيت وكله درت بيه امي انقهرت بس كلت الحمد الله ع كل حال
ايامي مرت عاديه ياسر اخابره بس مو دوم ﻹن ماكو تغطيه بلمكان مالهم
وبيوم امي وسجاد راحو للسوك وعدنان ومها طالعين  جان بس احمد توى جاي من واجبه ونايم فوك
دنيا عصر توني طالعه من الحمام غسلت ملابس وسبحت
اندكت الباب
صحت منوو
اني اني
صوت ياسر حسيت كلبي رفرف
ركض تعطرت وطلعت فتحت الباب
اول مطب طفرت حضنته
حياتي مكتلي راح تجي شنو هل المفاجئه
.شلونج عمري البارحه نزلت من الواجب كلت اجيج مفاجئه شو حاضنه وبوس شنو ماكو احد
.ههههه اي حبيبي واحضن ابكيفي
ماكو احد

.هله هله يعني وحدنه اخذ راحتي

.اكعد عاقل يسوري حمودي فوك
نايم
تعال انطب جوى
طبينه بلستقبال شفته سد الباب

مرام.ياسر خلي الباب مفتوح عيب يكعد احمد
كمشت الباب اريد افتحه جر ايدي وحصرني ورى الباب

وج مشتاقلج والله  تدرين اشكد افكر بيج مشتاق لعطرج ولخدودج
اريد اعضعضهن عضاني من خدي

ايييي ياسر توجع شبيك

اسف اذيتج تعالي
جرني من ايدي كعد وكعدني ع رجله
ضحكت وخليت ايدي ورى ركبته وبسته بخده
احبك ياسر والله اشتاقيتلك

.اموت عليج حياتي انشالله بلجازه الثانيه نتزوج وتشبعين مني بالله اني لو اموت ما اشبع منج

.ههههههه منو كالك اشبع منك ياريت حتى ما اشتاق وافكر بيك
كمش وجهي وخلاه بين ايدينه وكام ايبوس بوجهي وعيونه بعيونه
نسينه الدنيه كوله
لما سمعنه احمد ايعطس اني طفرت للشرق وهوه للغرب عبالك شاردين يعني حته شكلنه مو طبيعي نزل احمد سلم ع ياسر ورادو جاي
رحت صبيت واني اكول لو شايفنه احمد اشكد عيب شربو جاي وماي اشويه واجه عدنان ومها
وامي اجت كمنه انحضر عشه
شوينه دجاج وزلايط وروبه
كعدنه نتعشى سوه واحمد وياسر يسولفونه ع داعش خفت حيل عليهم
اسوالفهم اتخوف لما خلصنه غسلنه المواعين وكعدنه نشرب جاي

ياسر.اكلكم انشالله بالاجازه الثانيه نعرس
امي.انشالله  ربي يفرح كلوبكم والله شايله حمل اشلون تطلع مرام من بيتنه تطفه شمعتنه

ياسر هههههه الله يساعدكم اني اريد اخذه اضوي بيتنه ضلمه

.مرام هههههه هلي شنو حسستوني اني اني لايت اتضون بي ابيوتكم