بذرة حب

البارت السادس والعشرين

شَـلِم منك ؟

ثلث آه..

و ثلث خوف..

وثلث عثرات يا عمري🥀

اميره.جنت كاعده العصر ع التلفزون
ودك تلفوني

.هلوو مها اشلونج

مهاا .هله اميره ولج الحكي ياسر استشهد ومرام تخربطت واخذوه للمستشفى

مهاا.صفنت اريد استوعب الصار

لالاااا صدك تحجين

مها. الله يرحمه اميره تعالي لمرام خطيه كلش متاذيه

اميره.انا الله وانا اليه راجعون بصوت باكي ومرااام جابوهه من المستشفى

مهاا لا بعدهم بالي يمهم

.هسه جايتكم

اميره رحة لمحمد خابرته جان طالع واني كلبي نار يربي تصبر كلبه سوده عليه
اجاني محمد ورحنه للمستشفى
لاكتني امي تبجي وعدنان سلمت عليهم كالو عدهه انهيار عصبي
نتضرنه الدكتور طلع
عدنان ها دكتور شلونه
الدكتور.الحمد الله وضعهه احسن بس يخلص المغذي وطلعوهه

مرام. فتحت عيوني اشوف مغوش من بدت توضح الصوره بديت اتذكر الصار فزيت بسرعه شفت امي يمي واميره يبجن وعدنان

اميره.مرااام حبيبتي الحمد الله ع السلامه

وامي طفرت اجت يمي ولج يمه شلون صرتي

مرام .باوعت المغذي بيدي شلعته اجه عدنان ليش شلعتي مرااام شوفي شسويتي بيدج

كمت واني كوه واكفه اخذوني لبيت عمي هسه يجي ياسرر

امي.ولج يمه وين ترحين شوفي حالج
عدنان .مرااام ياسرر هاي منيته استشهد الله يرحمه
تردين اتموتين روحج شلون بله

مرااام. حرااااام عليكم ميميت والله ميموت هوه وعدني نضل سوى ميعوفني
شوووفو هسه من انرروح نلكه بيت عمي فرحانين ياسر اجاهم سالم هسه اتشوفون بس خل انرروح فدوه

امي.يمه مرررام لاتعلين كلبي لاتخوفيني عليج

مراام يمه مابيه شي شبيكم اصلا شوفوني اضحك هسه متاكده نروح والكا اهناك وهسه من انروح راح يكيف ويتفاجئه بيه
طلعنه من المستشفى واني اقنع بروحي مردت تنزل دمعه مني ياسر ميموت هوه يحبني ومراح يعوفني
رجعنه للبيت شفت امي ومرام ومها لابسات اسود رادن ايلبسني مقبلت
مرام ما البس ع ياسر هوى عايش اشلون اتفاول عليه
امي يمه مايصير ترحين هيج فاتحه وناس فشل
.يمه شنو فاتحه من كل عقلكم ايسون فاتحه وهمه ممتاكدين
امي .مرااام تلبسين اسود يالله ناخذج
مراام لبس اسود واني اقنع بروحي جانو خايفين عليه عبالهم اتخبلت وكل اشويه ايكلولي بيج شي وارد بلا جنت متامله انروح والكا اهناك صعب اصعب شي من يروح غالي وحبيب خاصه عروسه متهنت ومشبعت منه مجهزه النيشان وهوى جهز غرفتنه ومباقيلنه شي ضليت بامل اروح اهناك واشوفه ركبنه كلنه بسيارت عدنان احمد وسجاد راحو وي بيت عمي ماجد ضليت طول الطريق ادعي ربي افز ويطلع كابوس ماريد اقتنع هوى رااح وبعد ما اشوفه
طول الطريق دخلنه شارعهم شفت جادرر نزلت من السياره واني ادعي كون موو اله ياربي قربنه عله بيتهم اجت اميره كمشتني سمعت صوت عياط لاااا ربي حلميي ياسر يارب امنيتي وطلبته منك لاتحرمني منه ربي دخلنه للبيت حسيت من صدك كولشي انهه ياسررر راااااح واهله سولهه فاتحه دخلنه وجان اشوفه اييي والله شفته بس ااااااااااه