بذرة حب

البارت السابع

بالليل اعد محبتك
بس باچر اتزود أكثر

يا فزة عيون الگلب
ياميزتي البيها انغر

مو رايدك واتنفسك
لا يا نفس شي أكبر

ياسر .مرام ليش رجعتي وي حازم اعتقد اني كتلج لا ترجعون وي احد غيري

مرام.وذا رجعت ويا مثل ما انته ابن عمي هوى ابن خالتي مو غريب

.بس اني جنت انتضرج!

.اسفه ما ادري وبالي يم اميره جان طفيت الماطور ومشيت قبل لا ادخل المطبخ صاح

.اميره ليش ماوافقتي بحازم؟

.اعتبره اخوي واريد اكمل دراستي

وهو ليش خطبج؟

مرام؟؟؟؟؟ ترى عادي حاله حال غيره بنيه شابه  مابيه نقص الحمد الله اكيد يجوني خطابه

.هاا يعني جايين غيره
.اي اكيد

عفته ودخلت تمنيته يحجي شي ينطيني امل ابحبه اتقصدت  احجي هيج بلكي يتحرك اشويه

صعدت ورحت لفراشي نمت وضليت افكر هوى ميحبني لشوكت اضل افكر بي اتمنى يطلع من بالي وما افكر بي بعد نضراته تحجي بس ماشفت منه شي اياكدلي حبه

تعبت من التفكير ونمت...

فزيت ع هوسه اسوالف وضحك البنات
.صباح الخير بنات

صباح النور انتي شنو تنبل انكعد بيج ماكو صار ساعه

.هاا والله ولا حسيت صدك عود لميت شعري وكمت لمي الفراشات ورحت اغسل حضرنه الريوك تريكنه بسرعه وبدلنه حتى انروح لاميره
خلصنه شغلنه ورحنه انبدل بدلت ولبست عبايتي وطلعنه امي واخواني وبيت عمي ابو ياسر رحنه كلنه جانت ساعه تسعه ونص الصبح ركبنه بسيارات واني عيني ورى ياسر غصبا عني تخطف النضرات ياسر احسه يتهرب مادري اشبي
وصلنه ونزلنه دخلنه بطارمه وفتحو باب الستقبال للزلم واحنه دخلنه من المطبخ كعدنه بلهول اشويه ونزل امحمد ورى اميره لابسه فستان كلوشه ابيض ومكياج هادئ باركناله كولنه وتريكو وكعدنه انسولف وياه اشويه وصاحونه  بوسته
..اميره البيت مينحمل هاي عود عدنه خطار ومكانج وحش والله اشون اتعود ما ادري
..حبيبتي والله اني هم ما ادري اشلون راح اتعلم ع فراكم بس كل اسبوع انشالله تلكيني مزروعه يمكم هههههه

..حييل وانتضر اسبوع يله اشوفج
..لعد شتردين اقيم بعد اني هاذ بيتي اجيكم خطار واروح

بوسته ومشينه رجعنه للبيت وبيت عمي راحو لسماوه
وبقه البيت وحش.

مشت ايام ورجعت لدوام كعدت الصبح اتريكت وبدلت ورحت لدوام
سلمت ع البنات ولكني ساره وسما
اول يوم ماكو دراسه خلصناه اسوالف
سما. اي ست مرام شخبار الحب
مرام .اهووو راح اتجلب
ساره .تحجي احجي اكو بكلبج حجي سولفي
مرام .سولفتلهن كولشي صار وياي لحد هاي الحضه
سما.ههههههه لج بابه انتي غير غبيه وج ايحبج ايحبج امبين
مرام.جان حجه كال
اي مو يدري بهلج مينطون البنيه لما تخلص  السادس  ايجوز منتضرج
..هااااا معقوله والله مدري  تعبت كولش تفكير اشكد جنت مرتاحه