بذرة حب

البارت التاسع والعشرين

الكاتبه (مريم الهادي)

..فتحت عيوني حسيت الم براسي قوي ريجي ناشف مر وما اشوف واضح تعبان حيل
ما اعرف وين اني
شفت دكتور دخل
الدكتور.الحمد الله ع السلامه واخيراا فتحت عينك
.اني وووين دكتوررر
الدكتور.انته بامان الله كتبلك عمر جديد ارتاح
.ليش شصار
الدكتور.انته قبل شهرين وعشرين يوم

صار قصف ع المقر مالتكم اخذوو الجثث كوله و فرق ايرانيه لكتك داخل
حمام جينكو الضربه براسك ورجلك
جانت وداخله بطنك وكسر بلكتف
حالتك جان ميئوس منهه بس الله كتبلك عمر
ومجان عندك لاتلفون ولا مستمسك
حتى انبلغ اهلك
قوي روحك حتى تفرح اهلك اكيد عبالهم انته شهيد
تتذكر شي انته
..الحمد الله دكتور اتذكر اني ياسر وجع قوي براسي
الدكتور.انشالله ماكو شي مجرد وجع راح نطيك مسكن وتواصل وي اهلك حتى اتبلغهم يجونك
ياسر. رجعت اريد اتذكر شصار....

ياسر.
.اوكفي فهميني اشبيج انهديتي بيهه لا تتجاوزين مراااااااام سكتي فهميني شكووووووو
منووو هاي لبحضنك حسبالك الماي يمشي من جواي موووو احبج وتروح اتخليهه ابحضنك
اشتاقلك وتكول ماكو شبكه الضاهر هم تحجي وياهه موووووو

.شنوووو هاي منين ذني منين اجنج
.هاذاااا الهامك منين اجنيي منو هاي ياسررر منووو

.ما اعرفه مرام والله مخنتج لا تصدكين هاي فتشوب
والله اصلا ولا اعرفهه

.هههههه كالوو للحرامي احلف كال اجاني الفرج
تضحك عليههه اكييد تنكر اكيييد

.اااشبييج مرررام لج اني بلموووت وانتي جايهه تتدلعين عليه
ماعندج ثقه بيه نعم الله عليج ماقصرتي
ماعندي شي اكوله بعد بس لا تصدكين مررام والله مو الي هاي الصوره
سدت الخط بوجهي
دكيت ردت متجاوب راسلته
واجاني صاحي وسام

وسام.هااا ياسر شبيك وجهك مكلوب

ياسر .شوووف بشرفك شوف شمسوين مدري ياا منعول الوالدين يبحش وراي ويخرب بيني وبين مرتي

وسام.بووووويه شني هل الجمال لك منيلك هاي

ياسر.خاب انجب مووو صوجك صوجي اني احجيلك

وسام. ههههههه بويه اشاقه وياك والله جا غير اضحكك اريد وجهك معفوس

ياسر.طبعا انعفس متشوف يتبلون عليه
وسام. يخوي عليمن تحرك بكلبك انته ممسوي شي من ترجع حاجيهه وهيه تقتنع
ياسر.اكلك يمته تنزل انته
وسام.انشالله خمس تيام وانزل والله مشتاق لامي كلش وهيه متنانيتني اتريد تخطبلي
ياسر.هااا اي خوش خبر انشالله نفرح بيك
اكلك اني اريد اسبح هاك تلفوني والجنسيه مو يضيعن منك اذب ماي ع روحي متت حر
وسام.يالله روح موو تتاخر ورانه واجب
ياسر. لا بسرعه
مشيت للحمام بعيد عن المقر تقريبا ميتين متر اكو واحد فريب بس صايره
هوسه عليه دخلت للحمام
توني نزعت الفنيله وحسيت صوت قووي كلش وضربه براسي بعد محسيت بشي
شنو حال اهلي شنوو حالج يمراام
وساام عايش لو ميت
اشويه واجه الدكتور
الدكتور.تفضل حبيبي هاذ تلفوني خابر اهلك بي نت ورصيد اذاا اتريد
ياسر.شكرا دكتور مقصرت
اخذت الجهاز دورت ع الصفحه
مال ابوي ولكيتهه راسلته
بويه اني ياسر جاوب
تقريبا ساعه
ودك التلفون فتحت واسمع هوسه اهلي
ابوي.بويه منووو انته
ياسر.هاا بويه اشلونك انا ياسر
جان الجهاز ايكطع
بويه تسمعني الوووو
ابو ياسر.بويه معقولك ولك بويه ما اصدك يارب رحمتك عود صدك وتطلع عايش ولك بويه ياسر كسرت ضهري
ياسر.ابوي يحجي ويبجي ممصدك
انجر التلفون من ابوي واسمع امي تبجي
امي.يممممه يممه ياسررررررر يمممه حلم لو علم اني يممممه كلللللللللش
ياسر.يمه اشلونج والله عايش الحمد الله انشالله رادلكم بس هل الايام
امي .ووونك كلي وينك يييمه صدك عايش
يفرحت كلبي
ياسر.والله عايش وراح تفرحين بشوفتي
ياسر حاجيت اهلي واحد واحد جانو يبجون ويضحكون سوه منصدكين اخواني وخواتي ساعه كامله احنه نحجي اخر شي اجه الدكتور ياخذ التلفون تمنيت احجي وي مرام بس بعد هم فشله من الرجال تشكرت منه وكتله يمته اطلع كال اشوكت متريد
ثاني يوم طلعت
..........................
مرام.حسيت روحي بحلم خفت احجي ويطلع حلم وافز منه
ياسر رجع يعني احساسي صدك
خايفه حيلللل اخاف افرح ﻹن كل ما افرح تطلعلي شغله
جمعت قوتي وحجيت
وينه ياسر
مها.كرت عينج مرام طلع صدك احساسج
عدنان. يابه والله منصدك معقوله اي مو دفناه بدينه خاف ممتاكدين
احمد.لا عدنان هوه مخابره بس بيران
مدري شوداه اهنا
عدنان.زين كل هل المده وين جان
امي.يمه والله ممصدكه رحمتك ربي نعمه من رد كللللللللللليش
مرام همه يحجون واني بغير عالم ما اعرف اوصفه حسيت طاقتي انتهت اريده معقوله ربي هيج وافرح بي وتكحل عيني وافرح ما اصدك
عفتهم ودخلت الغرفتي
اجو وراي كلهم
احمد .هاا مرام شو مفرحانه
مها.هسه غير المفروض تدك وتركص بعده مغندبه
امي.على كيفكم وياهه بعده البت مصدومه
مرام .اهناا اني انفجرت بواجي ما اعرف شنو سببهن
وامي ومها ايسكتن بيه
يعني صدك هايهه رجع يمه خايفه افرح وماتكمل وينه ليش ما اجه والله كلبي راح يوكف
امي.يمه افرحي همه اهله لو مامتاكدين ايطشون الخبر