بذرة حب

البارت العاشر

محبوسه بغرفتي وكل خليه بجسمي اتون عليه مجنت متخيله انو اخواني بيوم هيج ايخلوني بيدهم مثل ضحية العيد من ايد الايد وتالي ايذبحوني
قررو ذبحي بس ياريت لو بسجينه
لااا بحازم ابجي وادك على روحي الم روحي اقوى من الم جسمي واني اتذكر من اجه عدنان كالي ع حازم
عدنان .مرومه اني ما اجبرج بس ترى حازم اكثر من مرى طلبج هو مابي نقص رجال شايل روحه ومعدل وهل تشوفين بكل ضيك هوى اول الواكفين ويانه وماشفنه منه شينه شرايج بي
مرام .منحرجه خويه كلمتك ع راسي بس اني ماريد حازم اعتبره اخويه وبعدني اريد اكمل السادس
عدنان اي اذا ع الدراسه انشالله نشرط عليه وهوى اصلا كال شتريد اني جاهز
مرام .عدنان ماريده فدوى لاتحرجني
اني ما اكدر اعيش وياا
عدنان .اي غير اعرف شنو السبب

.ماكو سبب بس اني ماحبه هيج من الله اكره لحازم
عدنان..هههههههه ميخالف مرومه ولو هوى ميتفوت خوش ازلمه بس مدام ماترتاحيله ما اجبرج انتي وصية ابوي اخذي راحتج باسني وكام
تتذكر فرقه عن الشخص الجره من شعره وشلون كتلوه عدنان واحمد
........ واني احجي وي ساره ماحسيت غير شعري انهلس ونجريت منه روحي راحت من الوجع والاكثر من شفة عدنان عيونه دم ويصيح وج منووووو ياحقيررررا رايحه تتمعشكين من ورانه واني اكول ليش متقبل بكل اليجوه وطلع عيبوب من جوووووووى الكاع الله واكبر ع راسج منين عرفتي منين اتخابرين وج منو هااااذه يحجي ويضرب بيه ويملش بشعري
مرام دخيلك خويه بس هدني محد محد اااااخ يمه لحكيلي
اجن امي ومها وعدنان يركضون وهمه متعجبين من حالنا ويسالون شصار
عدنان ولك احمد اختك اتريد اتطم روسنه بطين لك رايحه تتمعشك من ورانه
احمد من سمع هيج طفر ع احزامه وتولاني ماشفت اخواني شفت وحوش تنهش بلحمي واني اتوسل بيهم وصرت من ايد لايد ومها وامي يردن ايفكني ماكو لما تعبو مني وكعدو وامي ادك وتلطم
عدنان يمه حضريه عكبه يجي حازم يملج عليه وياخذه اشوكت ماراد خل ايخلصنه من عاره
مرام كل الكتل والخوف ما همني من سمعت الموت الجايني يعني انحرم من ياسر وياخذني حازم
لاااااا دهيلكم اله حازم ما اريده فدوى ماريده لاتذبحوني بي ذبحوني انتو لاتنطوني اله
عدنان وج هم الج عين وتحجين كلبه وج لو ماسامعج بذني شون تحجين ع الكلب بس كولي منو هوى خل اذبحه واخلص منه
رجع عليه وكنو كلامي ذكره لما فقدت الوعي متحملت الكتل كله

فتحت عيوني بضلمه اشويه اشويه انتبهت هاي غرفتي احس راسي وجسمي مو الي وجع قوي هاج عبالك جان النوم كامشه ومن فزيت فلته عليه كمت اون واني اتذكر شصار بيه واتذكر انحرمت من ياسر بس احجي ايرجعون ايكطعوني ولا اكدر اجيب طاري ياسر خفت من سمعت عدنان ايكول اذبحه خفت ياسر يتاذه نسيت اذيته من يسمع رحت لغيره وبرضاتي بجيت من كلبي واني اتذكر حجيه

ياسر.حبيبتي ياروحي خل نعقد هسه ومن تخلصين السادس نزوج شرايج

مرام لا ياسر عفيه مبقه شي انشالله خلينه مصفيه بالي بلمتحانات مال اخر السنه هسه عود وبس اخلص من السادس تعال انسويه خطوبه وملجه