بذرة حب

البارت السادس

هل للشوق وزن؟
-لا أعرف،ولكن قلبي يصبح بثقل الجبال
كلما إشتقت إليك❤
واني اتخيل اعيونه وصوته واتخيل هوى ايبادلني حبي واخر شي امل وانام وادعي ربي يزرع حبي بكلبه

ركضة رتبت روحي ومكيجت مكياج بناتي جنت اريده ايشوفني احلا وحده اخاف تحله بعينه غيري خاصه هوى من زمان مشايفني 
رحت مرتبكه وكل اشويه ارجع للمرايه اتاكد من شكلي خاف المكياج ايبين رحت سلمت ع عمتي والبنات وخوانه دورت بعيوني عليه ملكيته حسيت كلبي وكع معقوله مجاي وما اكدر اسال كعدت يمهم اشويه واني عيني ع الباب اكول هسه يطب هسه يطب ماكو خاب ضني وكمت رحت للمطبخ الم الهوسه وحسيت بدمعتي الحاره نزل والله مشتاقتله حيل ليش ما اجه مسحت دمعتي خفت احد ينتبه اجن البنات ويايه ايلملمن ولتحضر طوس والتحضر مواعين
جاااان اسمع صوته حسيت كل خليه بجسمي وكفت اريد ارفع راسي ما اكدر باوعت ايييي هوى والله بشحمه ولحمه فرحتي متنوصف احس روحي طيره محبوسه وخلوه اتطير بجو ربيعي مزهر
سلمو علي البنات  واني بزويه اريد دكات كلبي تنتضم لما خلصو كمت شفته بنطرونه الكابوي وبدي ساده رصاصي وستره وشعره المرفوع
.شلونك ياسر حسيته نز مني جنت ورا بس ميشوفني البنات كدامي

.هاا هله هله مرام اشلونج هاي وين خاتله
لا ما خاتله بس انته مشفتني ملتهي وباوعت ع البنات
ضحك ضحكه خلتني اسيره اله حسيته عرف قصدي استحيت ودنكت مسح اشواربه وراح خلصنه شغل وكل اشويه لو واكع مني ماعون لو عاثر بشي صدك لو كالو الشوف للكلب مو للعين خلصنه غدى وهوسة الغدى ورحنه انبدل اجن وياي نجوى وهيام خوات ياسر ايبدلن رحنه انبدل ونسولف ونضحك لبست فستان بينصل طويل اسود والردان والصدر رماني ردان وبي حزام ع الخصر وشال رماني مشجر اسود وكعب اسود مكياج هادى كولش بناتي جابو اميره من الصالون طالعه اتخبل والبنات بدلن كولهن وشغله الديجي وركصنه بس اكو غصه بكلبي اشون بفراك اميره اجو اهل العريس وكامو اخذوه ورادو ايطلعون ماتحملت بجيت سلمه عمي ابو ياسر الجبير بيد زوجه وامنه وامي اتبوس بيه وتبجي امسح بدموعي لبست عباتي وطلعت
وي بنات عمي امي ركبت وي اميره اجه ياسر ايصيح ورانه تعالن وياي ركبنه بسيارته اني وخواته وبت خالتي ا خت حازم زهراى شغل المسجل ع اغاني  وساق يلحك الزفه
.كلشي ممنتبه اني بس لياسر وحركاته
عبالك العالم اتوقف بس ياسر يتحرك
بس من ايباوعلي ادير وجهي حته ميشوفني اباوعله وكفن السيارت نزلو للستوديو وشباب اهواي واكفه تركص استحيت انزل اروح وي اميره بقيت بسياره ننتضر نزل ياسر يم الباب واكف ومنتجي ع السياره جان تحجي زهراى وصوته العالي
زهراى. مرومه يوم الج ونفرح بيج انتي وحازم جان صعد ياسر بسرعه واجت عينه بعيني الضاهر سمع
من كالت هيج زهراى حرجتني شجاوب تدري ما احبه بس امجلبه بيه شفت ياسر ايباوعلي من جوى كصته وركز وي حجي زهراى
مرام .زهراى اسكتي مو وكته عفيه نجوى وهيام كالن هاي شنو حازم خطبج
زهراى اي خطبه وانشالله اتوافق وتخلصنه شلعت كلبنه صار كم مره يخطبه
مرام ياكاع انشكي وبلعيني زهراى حيل جريئه وتحجي عادي ميهمه هسه اتكول ايحبه وموت روحه شيسكته
ياسر .اامرام شو ماعدنه خبر خاطبج وتردين اتوافقين واحنه مندري
مرام.لالا اني مموافقه اصلا بس زهراى مجلبه بيه  طلعو العرسان ومشت الزفه
هيام .ياسر وين طالع منا غير وي الزفه وين رايح
انتبهنه غير دربه ومن كالتله هيام لف ودار ع الشارع وي الزفه
استغربت توتره ويمسح ابوجه ويباوعلي بلمرايه .
ياسر يله انزلو وصلنه بس ديرن بالجن ودنكن روسجن راح اوصلجن للباب وارجع من تخلصن خابرني اجيجن مو تركبن وي ياهو الجان
هيام اي ياسر طبعا منركب اله وياك نزلنه هسه والله كريم
نزلنه ويمشي كدامنه ويسويلنه درب لما دخلنه وراح  رحت نزعت عباتي ورتبت روحي بغرفه جوى الضاهر مال ام محمد ودخلت بلستقبال كعدت يم اميره كومني البنات اركص بس استحيت وماكمت

التهينه بلحفله  خلو العشه كعدنه نتعشه اكلت وكمت  شلت الصينيه الكدامي واخذته للمطبخ خليته ورحت للمغسله اغسل ماكو زلم جان يدخل ولد شاب يطلع بعمر احمد من شافاني رجع ليورى وسمعته  ايكول لخت محمد هاي منو البنيه غسلت ابسرعه ودخلت للستقبال كعدت يم اميره اجو ايزفونه دخلانه لغرفته حلو كولش ومرتبه ورتبنه شعره طوختله الحمرى وبوسته اجه العريس وطلعنه امي بقت يم اميره واني اجت خالتي صاحتني ارجع لبيتنه اني ومها سيارات برى من مشيت وياه شفته سيارت حازم ترددت اصعد بس زهراى جرتني وصعدنه والطريق كله ابجي زهراى وخلاتي ايسكتن بيه وحازم ضوجني بنضراته بس اريد اوصل احس روحي احتصرت حيل نزلنه وي نزلتنه وكفت سيارت ياسر نزل وباوعلي بعتب جنه زعلان مهتميت فكري يم اميره احس البيت راح ياكلني رحت سبحت وبدلت خالاتي راحن تقريبا البيت محد بي بس بيت عمي ابو ياسر وخواني ومها  غسلنه المواعين الولد انجمعو اهنا من وصلونه وسوو عشه وتعشو صاير المطبخ طشار سوينه جاي صبيته واخذته قدمتلهم ورجعت صعدنه انام  نامن البنات واني اجيت انام وتذكرت الماطو مال المي نسيته مشعول نزلت رحت لطرمه اطفي

مرام التفتت جان اشوفه ياسر وراي جاي وصاحني بصوت هامس تفاجئت بي خاصتا كله نامت اشعده هوى لهسه

ياسر مرام ليش رجعتي.....
يتبع