بذرة حب

البارت اثنان وعشرين

لا تبحثوو عن الحب…… 🌹
ابحثو عن الصدق الذي يغلف 🌾 الكلمات 🌾🌺
والاخلاص الذي يستند خلف 🌾 الافعاال… 🌾🌺
ابحثو عن ثقه لا تهزها عواصف الدنيا 🌾🌺
    عن لهفه لا تنقطع 🌾
    وشغف لا ينضب.    🌾
فليس الطريق لمن سبق 🌾
انما الطريق لمن #صدق 🌾🌺

مرام .شفت خيال بلحديقه عبالي بزون كلت اتاكد من الباب الخارجي وارجع اخذ ماي الاميره طلعت لكيته مامقفول قفلته اريد ارجع جان تنحط ايد ع حلكي وانسحيب ضحكت عرفته ياسر
بس شوو مو ريحته هاذ العطر شامته قبل الحديقه مالتنه بيه حمام خارجي واكو ورى الحمام مكان ازغير بين الحايط والحمام دخلني بي واني لهل الحضه متوقعته ياسر دارني عليه جان انصددددم بييي

حاززززم حسيت كلبي وكع

.اييي حازم حبيبج
.مريت من بيتكم اليوم وسمعت هلاهل تمنيت اموت ولا اسمعه

.اي خطوبتي من حبيبي وصرت مرته
عفيه عوفني بحالي روح شوف حياتك الله يخليك والله اذا اجو اخواني وشافوك اتصير مشكله روح

.جان وجهه تعبان وعيونه بيهن حقد
كتيله حبيبي مووو كتيله تذكرين من اتوسل بيج تحجين ويايه هيج وانتي متقبلين تستكثرينه بيه

.ﻹن ما احبك لا تخزرني والله عيطه وحده المهم كلهم عليك لاحسبالك خايفه منك خوش روح اطلع منا اكرررهك يا بشر حس اكرهك انته شنو ماعندك كرامه شبيك جلبت
هجم عليه وخنكني من ركبتي حسيت الهوى انكطع جان امخلي ايده ع حلكي والثانيه ع ركبتي

..اموتج ايييي اموتج حتى ميتهنه بيج لج موووو اني التكسريني ما اخليج تتهنين مادام موو اليييي
حاولت اعضه بس طاقتي خلصت
وكعت بلكاع رجلي رخت وحده وهوى بعده خانكني وعيونه شرار جان ناوي ايموتني ولا ياخذني غيره
سمعت باب المطبخ انفتح ونجوى اتصيح مرام وينج حاولت اطكطك ﻹن ياسر ايده ع حلكي وصوتي ما مسموع دفرت برجلي صار صوت عالي من شاف نجوى طلعت عافني وطفر من الحايط نجوى عاطت من شافت الخيال واني ابمكاني جثه خامده
اجتني لكتني مختنكه وهيه كامت اتعيط كلهم طلعو ع صوته واجو ايركضون وياسر يصيح اشبيه شصار كمت اكح حيل اله اشويه جان متت ياربي اشوكت اخلص منه كل ما اكول خلصت يرجعلي هاذ مكانه مو اهنا مكانه بمستشفى المجانين
اخواني ايصيحون شكو البنات صافنات وامي خايفه
كتلهم ماكو شي خفت مهما ايكون همه بيت خالتي مارتد تكبر المشاكل اني انتبه بعد والله كريم

ياسر.شنو ماكووو شي شوفي حالج ليش هيج وجهج وليش عطتي نجوى شقتي شي احجي

نجوى.شفت خيال طفر منا  ومرام لكيته مختنكه اهنا واكعه

ياسر.شنووووو منو هاذه
عدنان منو الخنكج مرااام احجييي
احمد.يابه خل ترتاح وتحجي متشوفون حاله
دخلوني وانطوني ماي واني ارجف
كلت خل احجي والله كريم لازم يوكف عند حده الى متى يبقه يتماده