سامع ونين الناي لودردم بليل هيجي انا اون عليك يالماخذالحيل
مرام عادل هل تقبلين بحازم سلمان زوج لكي ع المقدم... والموخر....
عاد الجمله مره ومرتين وتلاثه وعدنان يمي كعد يندس بيه واني اتامل يدخل ياسر اليوم نزوله معقوله ما درى بيه معقوله محد كاله
كرصات عدنان الزادات وي ادموعي حسيت خسرت كولشي كلت
لااا....
كله صفنت والشيخ كال ميصير زواج بلاجبار عدنان صارت عيونه ابكصته طلع الشيخ وحازم مصدوم ويخوزر وعمامي يحجون عليهم شلون اتعقدوله وهيه مراضيه
..
عدنان كال محد جابره هيه اتريده اخذني للغرفه وقفل الباب
..عدنان . شوفي لج هسه اطلعين منا قسما بالله لو ما حجيتي وكتلهم راضيه اذبحج واخلص منج لج ليش متقبلين شنو العدج احجي شمسويلج الكلب لتحاجينه
..مرام من حجه عدنان فتحت اعيوني حيل وصفنت حسيت الدنيه افترت بيه يعني هوى هيج امفكر دموعي اتصب واني احلفله والله محد طاخني والقران ولا احد شايف شي مني اشلون اني اختك هيج اتفكر بيه عدنان اني تربايتكم....
..لو حجيج صدك هسه اطلعين كدامي وتوافقين واشوف اشلون اتكولين لاا مايصبح عليج صبح يا مرام...
..بجيت اي ماعندي غير ادموعي ابجي واتوسل وخفت من تهديده مضل عندي امل اخلص وماكو غير اوافق
الدك على الباب زاد وصياح عمامي حسبالهم يكتلني ﻷن اخذني وقفل الباب
..عدنان هسه اتمسحين ادموعج وتكولين اني موافقه كدام الكل وماريد دمعه تنزل راح اجيب غير شيخ ارفضي عود وشوفي شسوي جان يحجي بعصبيه واني كل ميعلي صوته انرعب اكثر......
مسحت ادموعي وكلت امري لربي وطلعت ومن حجوو عمامي كلهم دلع بنات هيه موافقه بس تتغله ع حازم هاي كدامكم وسالوه
عمامي كالو بابه انتي اموافقه اذ مموافقه احجي احنه منخليهم ايعقدون
باوعت ع عدنان خزرني وخفت من تهديده
لاا اني موافقه بحازم كلته وكلبي انفطر احسه وبعيوني صورت ياسر شلون لو عرف....
خطبوني وغصب يفلان
مجبوره ورضيت اني
يذبحوني من اكولن لا
واصيرلك خبر كان........
جابو شيخ ثاني وعقد النه وحازم مو مثل اول شيخ مجان امخلي اباله ارفضه شال ابكلبه ومبين ضايج وابو هم غندب بس اكيد قنعه حازم وخلا يسكت تمنيت يزعل بس ادري بي لو يموت ميعوفني عدنان اتعذر منهم وكلهم دلع بنات
من خلص العقد هلهلن النسوان خالاتي وعماتي
وشغلو ديجي واجن البنات ايركصن كل متسالني وحده اشبيج اكله فلاونزه قويه ما اريد واحد يتشمت بينه
كالو راح يجي العريس ايلبس الذهب ما ادري بي مشتري حته مكال وشوكت لحك يشتري ما ادري كل الاعرفه حاليا ما اريده ايطب عليه واني بلا حجاب دخل حازم يبتسم بس امبين ضايج من رفضي كعد يمي
أنت تقرأ
بذرة حب
Short Story.انهي عليه وشحده اليوصله والله ادمرررره ..شبيك بويه اتخبلت شنو تنهي البت اتسجلت باسم رجال . عمي امخلي الاحترام الك جان اعرف اشلون ارد عليه اله انته صدك ماتستحي مره مزوجة شنو تنهي عليه .ما تطلع منا لو عروس الي لو للكبرررر لغيررررري متصيررررر .......
