بذرة حب

البارت السابع والعشرين

انه شماخذ من الليل

غير انطر مراسيلك

وكولن هلبت اترد يوم وكلشي بخاطري احجيلك💔

مرام.اباوع على النيشان ودموعي اتصب امي ادك بلباب وتحاجيني هيه واميره
امي.مرااام يمه كومي اتعشي شلون بله اتموتين روحج وراه يمه راح الدار حقه والله كلنه متاذين عليهه بس مو هيج تسوين بروحج راح تموتيني قهر عليج كومي

اميره .مرام حبيبتي كومي لخاطر امي لايصير بيهه شي لخاطرنه اكليلج لكمه

مرام. ما اريد ماشتهي فدوى اريد اناام

امي. يمه نوميش صارلج خمس تيام بلفراش لا اكل لاشرب هسه نامي بس غير كون تاكليلج لكمه ليش اتعلين كلبي يمه

مرام. يمه ما اشتهي خلوني ارتاح مابيه حيل احجي
راحن لما ايسن مني
احس طعم الاكل علكم
ايصير اشلون اكل واشبع وانام وارتاح وياسر جوى التراب شلللون
نمت تمنيت اشوفه حتى لو احلام راضيه دعيت من ربي يرزقني شوفته
ونمت...
.مرام مشتاقلج
.انته وين
.اني تعبان حيلل
.وينك اريد اشوووفك مشتاقتلك
اني يمج روحي يم روحج
.ويينك مجاي اشوفك ليش ضلمه
.اني اشوفج وراح اجيج واخذج
.تاخذنيي اي ياسر عفيه لاتخليني وحدي فدوى ما اكدر اعيش
.انشالله مبقه شي واخذج
.وين تاخذني
.يميييي
بعد صوته عني لما انكطع
ياسرررر
ياسررر لاتروح اريد اشوفك فدوى ياسررر وينك........

فزيت واني اعيط ياسرررر ياسرررر
اسمع دك ع الباب كمت كوه فتحته
امي واميره ومهاا
شبيج ليش اتعيطين
مرام. راح اروح يم ياسر
امي. اسم الله شجاج يمه
مرام.يمه والله هوى اجاني هسه كال راح اجيج واخذج
امي ضلت تبجي واميره ومهاا صافنات بيه عبالهم تخبلت
اميره.مراام حبيبتي انتي تتخيلين شنو هاذ الحجي هاي ﻹن مماكله ولا شاربه يمه معليج بحجيهه لاتخافين
مرام.انتو اشبيكم ليش تبجون اني هسه راح اكل واشرب بعد ما اضوج ياسر راح ياخذني يمه والله اني متاكده لو يجيني لو اروح يمه
لاتباعولي هيج حسستوني اني مخبله
ركضت ع جنطة النيشان اخذت دشداشه وردي نزعت الاسود ولبسته وهنه يبجن ويجرن بيه
مرام .متكولولي اشبكم اريد اكشخ حتى يجيني ويشوفني حلوه ما احب يشوفني هيج
انتو متحسون بيه اني كلبي ايكولي راح يجي يمه والله راح يجي ياسر ميعوفني وحدي
امي.يمه اذكري الله راح تموتيني وين يجي الولد مات وشبع موووت

مرام.لااااا موبكيفكم لاااااتكولين مات
اكلكم ياسر مامات هسه يجيني
لبست الثوب وضليت كاعده
اميره جوعانه
اميره.ياا صلوات هسه اجيبلج ركض

جابتلي اميره العشه اكلت بشهيه جنت مرتاحه حيل صح مشفته بس هوه وعدني يجي ياخذني

مر اول يوم جنت كاعده بلحديقه وعيني ع الباب انتضر ياسر مخليت حجيهم اياثر بيه اكيد راح يجي انفتح الباب جان يدخل حازم بس شفته كمت اريد ادخل جان ايصيح
حازم .مراااام البقيه بحياتج
مرام .حياتك الباقيه ودرت وجهي اريد ادخل
حازم .اوكفي اشبيج تردين اتشردين
ماشاء الله طلعتي قويه لابسه الاوان وكاعده بلحديقه تتونسين عفيه محد يسوى انموت روحنه وراه بعد ليش حابسه روحج بلغرفه