بذرة حب

البارت الثامن

خوف...ضياع....سوال ايكرر نفسه
راح نخلص لو يصير حالنه مثل سبايا الموصل....

مرام.والله اذ دخلونه اترس الغساله مي وملابس واختل جواهن

مها.شوف هاي بابه وين اتلحكين ايطبون جفت اذا ما ضربونه بصاروخ

مرام .لالا فدوى والله كمت انام بليل واتخيلهم ايطبون علينه يذبحونه والله متهنيت بشبابي ولاتزوجت وشفت حياتي

مها..ههههه شبيج بابه راح تبجين مايوصلونه ابد
لاتباعيلي هيج والله شبيج ماشفتي العشاير والشباب كله اتجندت خطيه

مرام.خطيه شنو ذنبهم هل شباب والله العراقين مضلومين

جاي انسولف ودخل احمد مستعجل
يمه يمه طلعيلي الجنسيه بسرعه

امي دخيلك ربي اشبيك داخل هيج شنو دخلونه داعش

احمد. لا راح اروح للحشد

دكت امي ع صدره يمه انته صدك تحجي لافدوى رحتلك لاتسوي بيه هيج وين انطي وجهي لو صار بيك شي يمه انتو الطلعت بيه من الدنيه لاتفجعني بيك

احمد يمه شجاج هاي الشباب كله طلعت جماعتي امجد وعلاء راحو يعني همه ابطال وعدهم غيره واني ماعندي مع الاسف عليج طالع ادافع عن عرضي وارضي المفروض تفتخرين بيه يمه واذا اجيتج شهيد اريدج اتزفيني بيدج وتهلهلين هم ماريد دمعه توكع منج

مرام احمد فدوى ابقى اكو غيرك اهواي راحو والله منتحمل ايصير بيك شي
امي.يمه فدوى لاتسوي بيه هيج انوب تحجيه امكيف
حجه احمد وي امي هواي وقنعه بدل وبوسنه وراح واحنه منشفت دمعتنه ومن يوم ماراح كل شغلنه الشاغل خابر احمد
اخبار احمد
اشلونه احمد وامي دمعته وي ذكرى تنزل ابسرعه حاله حال كل امهات العراقين خلصنه من ضيم لضيم

خابرت هيام وسلمت عمتي ع امي وتصبر بيه وتكله ياسر راح يلتحق صرت حالي من حالج خلينه وحده اتواسي الثانيه لما تفرج
متت خوف يربي انوب ياسر هم منين الكاه من احمد من ياسر
سولفن عمتي وامي وبعدين رادتني هيام هل مره ركضت ابسرعه ردت احاجي ياسر بلكي يقنع ويبطله بس مصار الردته سلمت ع هيام وانطتني ياسر
ياسر. اشلونج مرام

.موزينه ياسر كولش مو زينه يعني مكافي احمد التحق انوب انته والله ما اتحمل اصبر اخاف عليكم بله صار عليكم شي فدوى ياسر لاتروح

من حركت كلبي وخوفي نسيت المستحه وجنت احجي بحركه ودمعتي تحرك بكلبي قبل خدي

ياسر .هله هله هاي كله علمودي والله لو ادري جان من زمان ملتحق
مرام معقوله هيج اتخافين عليه
والله وطكيت ياياسر مرام تبجي عليك

..من انتبهت لروحي وجفصتي فشلت وزدت بلبجي مدري ع ياسر واحمد مدري ع فشلتي

ياسر .مرام لاتحركين كلبي بدموعج
والله ميصير بيه شي اشبيج انتي العار ميموت
.بس انته مو عار لاتكول هيج