بذرة حب

البارت التاسع

هـو إحنـة بـس ردنه ﯠطـن دنيانـا شـو گلبـوها ؟💔
صرخت امي خلنه منشوف دربنه ومن الحديقه للهول سويناه شبختين وحده تدفع بثانيه
دخلنه واحنه الهبطه متخلينه نحجي بس انباوع
امي..يمه ليش اشسويت بيه كتلك لا تروح يبوووي كون اموت ولا اسمع بيك شي

عدنان.. هسه هوى بيا مستشفى هسه دقايق وجاين رحم الله والديك خويه

يمه رحمه للعباس خليني اشوف دربي خبصتي الجو شجاج بس مصوب مابي شي
من حجيهم عرفنه احمد متصوب  كعدنه يم امي نبجي ونقنع بيه تسكت
سعتين مرت وهمه ماكو اندك ميجاوبون والقلل ع امي لا توكع وع احمد خايفين عليه
تقريبا بثنتين بليل دخلو واحمد كامشينه عدنان وياسر اتفاجئت بياسر جاي الضاهر من سمع بي جايه وحازم وابو حازم وعمي ماجد حازم جاب الادويه ويا ودخلو حمودي
متصوب برجله الحمد الله مو خطر مواصل للعضم
سلمنه عليهم ورحنه انحضرلهم العشه كبب ونواشف وصبينه لهم اتعشو وكعدو يتعشون رحت خليت قوري الجاي خدرته بس محد شرب كالو انريد انام خلو جربايه بلهول لحمودي
ومدينالهم يمه جاي اغسل مواعين دخل حازم مروم فد كلاص جاي

.اي بس دقيقه صبيته كوب ونطيته شو هاذ كعد يمي بلمطبخ

حازم .اي مرام اشلونج

.الحمد الله.
.اشوكت انشالله واتكملين السادس

مرام عرفت قصده من كتله اريد اكمل دراسه عود بعد ماكو حجه
رفعت راسي ع الشباك مال المطبخ اريد اجاوب جان
شفت ياسر جاي يغسل بلمغسله لبرى من شافني اجه للمطبخ شاف حازم كاعد يمي
ياسر ها حازم اهنا باوعلي وباوعله شعجب متكعد بلستقبال
حازم .ردت اكعد اشرب جاي وهمه نايمين واريد اشوف بت خالتي شنو ميصير
ياسر هاااا هيج يعني كعد ع الكرسي لعد اني هم اريد فد كوب جاي

مرام صفنت توى كال اريد انام شو هسه من شاف حازم؟؟؟؟
معقوله غار غسلت ايدي من الزاهي وطلعت كوب شكرته وصبيت وجبته اله
اتفضل ياسر
باوعلي بطرف عينه شو معاجبه
اخذه ويشرب ويباوع لياسر ويباوعلي

حازم.ايي ياسر ماناوي تتزوج  كبرت بعد هم يالله
ياسر..اي والله انشالله بس تتحسن الاوضاع اخطب التفت الي وضحك وكال العروسه موجوده انشالله

طفر ياسر.. منو باله نعرفه لااا

ياسر لاا متعرفونه انشالله فترى وتعرفون
كوم حازم خل انام
حازم امكلب وجه لا اني بعدني كاعد ما انام
ياسر هاااا خوش اني اكوم مرام عفيه اغسلي قميصي وياج تعالي انطيج ايا
مرام اي خلصت مواعين انطيني ايا اغسله
ياسر تعالي وياي اطيج ايا بلحمام البرى
حازم .جيبه انته اله تجي وياك تعبانه خطيه
ياسر.براحتج طلع التفتلي واشرلي بعيونه يعني اطلعي
دخلت اميره مدري اشحجت وي حازم
طلعت ورى ياسر وينه القميص

ياسر. ماكو قميص باعي هاذ حازم ما اريده يشوف ضلج مو انتي لا ضللللج ميشوفه كاعده يمه ودكين اسوالف متستحين وحدج يمه والقران لو لكيتج يمه بعد وحدكم لتشوفين وجهي الثاني
خووووش لو لااااا
مرام يحجي صاير اعصاب بس صوته ناصي خاف ايسمعونه
صفنة عليه خفت منه وضعنه عادي هوى كاعد يشرب جاي واني اغسل مواعين ماكو شي غلط ليش عصب