مساء الخير والسعادة
اتمنى لكم قراءة ممتعه
#اذبلني خذلانك
#البارت 8
#بقلم ليلى الركابي
بنات ع كيفجن وي دلال كل شخص اله اخطاء وهي جاي تقره التعليقات حبت تشارك حزنها ومعاناتها وفرحها وياكم مااريد تضوجنها
" ما ألومك ،
بس ألوم الروح لو حنت عليك
يلي بايعني ابد ما اشتريك .
فتحت المقطع وجان اسده اول شفته بس رسل جانت وراي
رسل ... ليش سديته خل نشوف شلاعب
سماح ... خيرجن شكو
رسل... تعاي خل نشوف زوجنه المصون شمسوي
سفراته وخرابيطه لكيناهن برام مخليهن بالحاسبه وشفناهن اني ورسل وسماح
سوالفه الموزينه شفناهن بمقاطع فيديو ماانصدمنه تلاثتنه لان متوقعين منه هالشي وونسته وي النسوان بالدول مقاطعه حتى ببيوت الدعارة ويمهم النسوان تركص هو وجماعته وكل واحد بيده وحده
سماح ...سفراته للدول مو منها الله خوش شغل يشتغلون
دلال... اسكتن وكأن ما شفنه احنه بالاصل نعرف بس مغلسين ليش هسه نفتح مواضيع
رسل... واذا مصار شي واصلا اني اعرف بيه بس هسه من شفت طبعا مو مثل ما اسمع
دلال... رايحه ارتاح
رسل ... شترتاحين توها ب10 عاد سوي لجهالج غده
دلال... لعبت نفسي وركضت للحمام وهن وراي
سماح... شبيج يمعودة
دلال... مااعرف بس لعبانه نفسي كلش
سماح... اكيد من المقاطع الشفناهن هسه حكها لنفسج تلعب
دلال... راح اروح ارتاح
اخذت درر وكلت لعمر روح اقره سمر مو اطلعين العبي هنا بالبيت
ونمت ونامت درر وياي
كعدت على صوت سمر وهي تكعد بيه
سمر... ماما اكعدي جوعانه
دلال.. ها ماما مااكلتي
سمر... لٱ محد سوه اكل
دلال... هسه اسوي
كمت غسلت ورحت فتحت الثلاجه بيها سمجه كصصتها وكليتها وطبخت تمن بسرعه خلصت لان قليل وصبيت الهم رحت اكعد بدرر تدلل ما تكوم بالتوسل كامت عين مفتحتها وعين مغمضتها هسه ب3 ونص بعد ما تنام باليل وتشلع كلبي
وشفت احمد اجه بسرعه اجت المقاطع ابالي بس ما كرهته اريد اعرف ليش مجاي اكره مااريد اعترف بحبه
احمد... صبيلي غده
دلال... رحت صبيت اله وحطيت كدامه باوع للاكل وبعدين باوعلي
احمد... صدك تحجين تمن ناشف
دلال... اي هاذا الي لحكت اسويه
