مساء الخير والسعادة
اتمنى لكم قراءة ممتعه
#اذبلني خذلانك
#البارت 15
#بقلم ليلى الركابي
لقد تعبت من هذا العالم ، تعبت أشد التعب
وانا أحمل جبلاً من القلق في رأسي اقول
لك هذا وبداخلي رغبة عارمة بالبكاء .
دلال... مثل العادة كاعده من صلاة الفجر اخيط
والبنات عطله محد تكعد هسه تقريبا ب11
سمعت جهازي يدك بس دايخه وما اتذكر
وين حاطته
بقيت مركزة ع صوت ولكيته بين الاقمشه شفت المتصل احمد خير ان شاءالله
الوو
احمد... السلام عليكم
دلال... وعليكم السلام
احمد... شلونكم شخباركم
دلال... الحمدلله بخير
احمد... ها للحمدلله راح ادز صديقي الكم يجيب عمر واخواته
دلال... ليش شتريد منهم
احمد... شنو ليش غير ابوهم ومشتاق الهم
دلال... اربع سنين هسه تذكرت واشتاقيت الهم
احمد... كلت صديقي راح يجيكم بعد يومين
اريد بناتي وولدي يجون يمي اسبوع ويرجعون
الج توصلين الحجي الهم ويحضروون نفسهم
دلال... اسبوع؟
احمد... ليش قليل خليهم شهر وانتي اخذي راحتج
دلال... لالا يومين ويرجعون مااكدر بدونهم واصلا مااكدر ابقه وحدي
احمد... يلا الله وياج راح اتصل عليهم افضل حتى يجهزون شغلاتهم وغراضهم
دلال... سده بوجهي حقير
رجعت كعدت جسمي يرجف خايفه نيته تختلف عن حجيه
خاف يريد ياخذهم وبعد مايرجعهم
لٱ مستحيل اقبل اني الحملت وسهرت وربيت وتعبت مااسمح اله ياخذهم ع الحاضر
كعدو ساعه 12 ونص وكالت سمر
سمر... بابا البارحه خابرني وكال اريدكم تجون الى بغداد خابرج؟
دلال... اي خابرني تروحو كم يوم وترجعون
سمر... ليش عود
دلال... تتونسون كال مشتاق الهم ويريد يطلعكم وهم ياخذ دعبول للدكتور
سمر... بس اني ما عندي فراغ مااروح اريد اقره
دلال... كم يوم ما يأثرن عليج يلا كومي نضفي وي اخواتج وحضرو غراضكم
سمر... يمه عندي عتب وياه خذلني جنه متفقين ع مصروف الدورات بس
دلال... ليش احنه محتاجينه كولي تردين شي ؟اني موجودة
سمر... لٱ والله بس .....خلاص ماكو شي
دلال... شنو قصدج!
سمر... الي اقصده هوواي وما ينحجي صح انتي مقربه منا كلش وما مقصرة وهاذا يكفي
