مساء الخير والسعادة
اتمنى لكم قراءه ممتعه
#اذبلني خذلانك
#البارت 7
#بقلم ليلى الركابي
چنت أگلهم
نار بيهَ وچذبوني،
ومن بقيت رماد گالو ليش ماگلت أحترگ ! ..
دلال... روح ماما رجعهن كله مو اكدي منه
ورجعتهن عليه واخذهن وحتى ماطلع للباب ورانه
وتالي اني اخذته من فلوسي بس متت هاذا ابنه ويشوفه مريض وما يحس شنو هالبرود العنده
من رجعت من الطبيب بجيت لمن تذكر شلون جنت واكفه بالساحه جوه الشمس والجو حار بين بيتي وبيت سماح حتى اخذ منه كم فلس اني المتعودة اصرف واعتمد على نفسي تاليتي اطلب وانذل من احمد
والزاد قهري الدكتور ما عرف ابني شبيه بقيت اراجع بيه عسى ولعل اوكع على علته ودوم عرك اني واحمد لان ما يقبل اخذه للطبيب بس اني ما جنت اسمعله ابني اهم
والطبيب طلب ادخل بيه مستشفى دخلت ثلاث ايام وطلعت لان ما تفيده وهو عمره سبعه اشهر وما شفت الراحه ابد
وبعدين من سائت حالته دخلت بيه مستشفى هم من اشوفه ايدي تزرفت من الابر احس الدنيا تدور بيه واتمنه اني بمكانه
كاعدة مقابيله وهو نايم عالسديه بس بالحفاضه وكانونه بيده مكابلته وكاعده مااعوفه ولا ثانيه
منا لليل غلبني النعاس ونمت فزيت بنص الليل شفت ابني مكشف كمت اغطي تلامست ايدي بجسمه ثلج حطيت ايدي على صدرة ما يتنفس ضليت اكعد بيه ما يكعد شلته وركضت بيه للدكتور واصيح ابني مات تلكني الممرضات واخذنه مني واني مااقبل انطيه الهن بالكوة اخذنه شافنه باوعلي ورجعن باوعن لرياض
الممرضه …الله يعوضج اختي
دلال…شنو ابني شبيه
الممرضه…ميت الله ينطيج الصبر
دلال…اخذته وحضنته وابوس بيه وابجي الممرضات ما عافني ويصبرن بيه
خابرت على احمد واجه حاول ياخذه مني بس ماانطيته اله وصلنه للبيت واني فاصله عن العالم افكر بالعالم الراح يعيش بيه ابني احنه السبب بموته ما شاف شي من دنيته لان انولد بهيج عائله ما كدرت تعالجه ولا تعرف شنو مرضه
اجت مرة جيرانه ملايه المنطقه مالتنه اخذته سبحته وبالكوة اخذوه مني يدفنونه احمد و حسام
ثالث يوم رحت لاحمد عاتبته بسببه ابني مات
اهملنه لدرجة ابني توفه من ورا اهماله ماراجع بيه من البدايه
تأذيت بفراكه عمره سنه وكلساع افز بليل يتهيأ الي يبجي ويريد يرضع
احمد ما تأثر وكام يتداين وما همه الدنيا بكبرها يشوف نفسه ما جنت اعرف الشخص يتكبر من ينترس جيبه
ب ٢٠١٠ فتح شركة من اخذ فلوس من امير سالم
جان بهاي السنه يكدر يشتري المنطقه كلها لان كلش هواي وما وقليل نشوفه كلش بس بليل يجي واني ما مهتمه بيه لوعت وكسرت ابني ماخذه كل حيلي وهمي بس سماح تجي تكولي هيج سوه وهيج كلش متندمه لان ازوجته وصاير يضربها
