مساء الخير والسعادة
اتمنى لكم قرأه ممتعه
#اذبلني خذلانك
#البارت 1
#ليلى الركابي
تزدآد آنآنيتيُ بگ ..
وٌيگبر طمعيُ فيگ ..
فَ آرجوگ آحتتوينيُ .. !
وآحتملٌ جنونييُ ؛ بگ
.
.
.
.
واكفه كدام المرايه اعدل شعري اريد اروح للسوك وصاحتني امي
ام عبود…ولج يلا صار الضهر واحنه ما طالعين
دلال…هاي خلصت امشينه
طلعنه شويه عن بيتنه واجه رسول وصديقه
رسول…ها خير وين رايحين
ام عبود…للسوك محتاج شي
رسول…لا توكلو احنه كدامكم بالبيت وجيبو وياكم مسواك صديقي يتغده يمي
ام عبود…شلونك احمد شلون الاهل
احمد…الحمدلله بخير
دلال…حجه هيج وراحو هزيت ايدي وكلتها
خيعونج على هالخلفه بدل ما يكول رجعو اني اسوك
وهاذا صديقه ماارتاحيت لنضراته
رحت اول مرة على محل خياطه اشتريت الاحتاجهم وبعدين اخذنه مسواك ورجعنه للبيت
جانو بعدهم كاعدين بديت احضر بالغده وبعدين اجه رسول اخذه وراحو ياكلون وهم احنه تغدينه وخلصنه غسلت الاماعين وبعدين اجه ابن اخوي جايب اماعينهم هم غسلتهن وياي
طلعت القماشات المستعجلين عليهن وبديت اخيط
خل نعرفكم
اسمي دلال من محافظات الجنوبيه عمري 28 عايشين اني وامي بالبيت ابوي منطيكم عمره واني طفله من جان عمري سنتين واخواني خمسه كلهم مزوجين وملتهين بحياتهم واخواتي ثلاثه هم كلهن مزوجات
بسبب امي ومرضها تركت الدراسه جنت سادس علمي ومحد بقه يعتني بيها قررت اترك مدرستي واكعد اهتم بيها
تعلمت الخياطه واني عمري 17 واول ما تعلمت خيطت بردات للمدرسه
وهم شفت الخياطه مناسبه الي لان جنت اني الوحيدة الاخيط بالمنطقه واكدر اعيش عليها
نسوان اخوتي ما يجن يمي بس وكت المصلحه اني من نوع الاجمع مصروف مااحب اكون مبذرة وهن وكت اليعوزني يجني واني مااردهن علاقتهن بي ماديه
ثاني يوم
أثناء ما جاي اخيط اجه رسول
رسول…صديقي عنده ملابس تخيطيهن اله
دلال…وينهن
رسول …يمكن العصر يجيبهن بس هو ما عنده
دلال…واني شكد راح اخذ منه علكد تعبي
