مساء الخير والسعادة
اتمنى لكم قرأه ممتعه
#اذبلني خذلانك
#البارت 3
#بقلم ليلى الركابي
حزينه جدا لأن الأشياء التي تسعدني تهرب مني بطريقة غريبة .. حتى نفسي ترفض التحدث معي .. أشعر وكأن العالم اتفق أن يُشعرني بالوحدة في هذه اللحظة..
ثاني يوم اجت يمي اسماء وكلتلها مااعرف شنو احتاج واريدج تساعديني
طبعا اخواني جان عدهم علم ومتفقين خلال اربع ايام كملت ذهبي وملابسي
الملابس اول يوم راحت وياي اسماء ولليل زوجها اخذها لذلك نسوان اخواني يرحن وياي لان اكو اشياء مااعرفها وخاف انسى والذهب كلش ثكيل اشتريته
قبل زواجي بأسبوع اجت جيرانه تتصل بأهلها لان احنه الوحيدين بالمنطقه عدنه تلفون ارضي وجانت خايفه
سألتها ليش هيج تبجين
كالت امي مريضه ورجلي ما يرضه اروح اشوفها
ذكرتني بأمي وموعد زواجي قريب محتاجتها
بعدين هي سألتني ليمت عرسج
كتلها هاذا الاسبوع ان شاءالله
ردت الله يهنيج والله فرحتلج يلا اني اروح عفت البيت هوسه وولدي نايمين
راحت واني كعدت اخيط ملابس الي على مزاجي وصارن كلش حلوات حتى فساتين من مخيلتي خيطتهن
احمد اخر مرة اجه قبل اكثر من اسبوع كال اني مشغول بالبيت وترتيبه وماافرغ اجيج
مر هاذا الاسبوع بين اجهز نفسي واجت مرة اخوي ساعدتني بتنضيف جسمي واخذتني للصالون حفت وجهي وصبغت شعري واختاريت بدله جنت فرحانه كلش واني احضر لزواجي
ومكينتي وملابسي كلهن وديتهن لبيت اهل احمد ورتبوهن هناك اخذتهن مرت اخوي واختي
وباجر اليوم المنتضر يوم زواجي باوعت بكل ركن بالبيت راح اروح واعوفه بيه ذكريات من اني طفله العب وي اخواني وصوت امي وحنيتها نمت بين الفرح والحزن
اليل كله انام وافز مااعرف ليش خايفه باوعت يمي اخواتي نايمات يردن يعوضني عن غياب امي وراحت عيني لمكان التنام بيه خالي
اخواتي اجن قبل يوم بزواجي وكعدن يعلمن وينصحن وشلون اهتم ابيت زوجي واهله
ثاني يوم كعدت قبلهن ساعه 6 مااعرف ليش هالقلق رحت سويت ريوك وهن كعدن
اكلنه كلنه على صينيه وحدة ونضحك ونسولف كأن اخر مرة نلتم وبهاي الفرحه وطبعا بعدهن ينصحن بيه
خلصنه ريوك واخذتني مرادي اختي الجبيرة واخت احمد الجبيرة ورحنه للصالون لكيت عرايس كدامي خلصتهن وبدت بيه جان حيل متعب ومتقيده ولازم مااتحرك وبالتسريحه اذتني ولمن خلصت كالت كومي لبسي البدله كمت وساعدتني بيها جانت حيل حلوة وفرحت بيها باوعت لنفسي بالمرايه واني انضر لنفسي نضرة اعجاب وفرحه من يشوفني احمد هيج واخيرا احلامي راح تتحقق جانت بسيطه كل احلامي اعيش بسعادة وبنص عائله مو وحيدة ومايهمني اذا جان قصر او كوخ المهم الناس الاعيش وياهم احبهم ويحبوني
