مساء الخير والسعادة عليكم حبايبي
اتمنى لكم قراءة ممتعه
#اذبلني خذلانك
#ليلى الركابي
ومدري ليش الاسود يلوگ على كلمن نيته بيضه..
رسول اريد اروح للزيارة تروح
جاوب …لا تعبان مااكدر
كتله… لعد لازم اشتري ملابس وماعندي فلوس يمكن راح اخيط انسب
جاوب… جيبهم خيطهم هنا عد الاهل
رديت بشقه …ان شاءالله حتى اعلس فلوس وما ادفع
جاوب… فدوتك شالسالفه
رجعت للبيت بعد ما ودعته و جلب الا ابقه للغده بس كتله غير مرة
تمددت بحضن الحجيه كتلها يمه تعبت واني ادور شغل فكرت هواي افتحلي محل او مشروع نشترك بيه اني وجماعه منا
ردت بحنيه …هم يريد فلوس وانت ما عندك الله يرزقك لا تستعجل
جاوبتها بأمل وثقه…لا ان شاءالله اكون نفسي خوما ابقه بهاي الحاله الفقر تعبني
طلعت للسوك شفت فلوسي ما تكفي ملابس اشتريت قماش وكلت اخيطه واسوكت للبيت على كد العندي وتلكتني شفاء اخذت العلاليك مني
كتلها…شفاء اريدج تاخذين هاي القطعه لبيت ابو رسول بتهم تخيطها الي
ردت …ايي بتهم صديقتي وخوش تخيط زين اروح وحدي لو اخذ امي
كتلها بهدوء…اني وياج نروح انتي ادخلي واني اوكف الج بالباب واذا رسول موجود اكعد يمه
ردت …براحتك ليمت نروح
جاوبتها واني افتح ازرار قميصي حارة …العصر
صار العصر ورحنه اني وشفاء دكيت الباب طلع اخوهم الجبير جابر سلمت عليه ودخلنه للبيت اني كعدت بالديوان وبقينه نحجي عن الوضع بالعراق لان ماكو غير هاذا الموضوع مبهذل وضع العراقيين شويه واجه رسول وكعد يمنه يحجي الاخبار عن ضلم وكتل الاروح البريئه بعدين الباب اندك كام جابر كال الاهل يردونك كمت شفت شفاؤ كالت يردون ياخذون قياسك كمت وكفت بالساحه وطلعت بنيه وياها شفاء مالابسه ربطه وشعرها طويل بهت لوني من شفتها وتفكيري كم يخطط بكيفه كتله من الجمال والانوثه كدامي اجت اخذت القياس واني مصطك لمساتها غيرت حالي كل ما تريد ترفع عينها تصير بعيني ودنك
ايقنت ساعتها تولدت مشاعر بداخلي مو اي مشاعر اعجاب
سجلت قياسي ودخلت واني تفكيري بقه يمها بعدين صحيت على نفسي عرض صديقي عرضي واني كاعد اتبصبص عليه طردت الافكار وجعنه للبيت
بدون سابق انذار الكه نفسي افكر بيها
احبكم 😍
لا تنسون👇 التصويت ورئيكم يهمني
