مساء الخير والسعادة
اتمنى لكم قراءة ممتعه
#اذبلني خذلانك
#البارت 14
#بقلم ليلى الركابي
وبعضُ الذِّكرياتِ إذا اسْتُثِيرَتْ
أجابَ الدَّمعُ .. وانْقَطعَ الكلامُ!!
دلال... اجه يوم الاربعين ورحت مااخذت وياي بناتي لان امتحانات نهاية السنه وطلعنه للزيارة كعدنه تكابلنه ع كبره اني واخواتي وبجينه لمن تعبنه ورجعنه بليل
لكيت البنات يقرن وعمر نايم كتله
ليمت تقره بله كتب اشتريت وخسرت المن
عمر... مااكدر اقره كتاب كامل خليه للسنه الجايه
دلال... غير كون تقره وتكدر بس اذا انت ما فاتح الكتاب صوجي اني اشتريت ملابس وكتب وملازم جايبه الحركه لنفسي
عمر...بصياح هسه شخبصتينه اني ارجعهن الج
رحت ذبيت الفراشات واخذت فراش الي سبحت ونمت
كلبي ناار من تصرفاتهم عبالهم اني آله ومااحس هم اريد وقت ارتاح يمكن اني السبب لان دللتهم معقوله اني مااعرف اربي وفشلت بتربيتهم
بقيت الليل ڱڵـه افكر تالي التعب يصيح بوجهي
كعدت الفجر صليت وشفت ملابس وصخه مالتهم غسلتهن ورحت كعدت ع المكينه من الفجر لليل
هاذا التعب كله الهم مااشتري غير مرة وحدة كل سنه او سنتين وهم شوكت ما يردون اكول حاضر
درر... وره اربعين خالو صادفت امتحانات نهائيه برمضان رحت اني وي مروة بت خالتي لبيتهم ونقره سوه ندرس ع النت بس كلش تعبنه لان صايمه والطريق تمشي ما مأجرين
خلصت الامتحانات بقيت يمها كم يوم بعدين امي دزت عليه اخذت مروة وياي نتونس ونرتاح من ضغط الي جان علينه كاضينها نوم اكل تكنيك حتى شغل خفايف
مرة كاعدين بالصاله يم امي تخيط اجه عمر باوع وكال
عمر... مو كأن وحدة من بناتج ماهي
دلال... مو ذني كلهن
عمر... قصدي مروة
درر... ههههه كاعده بالغرفه تكنك
رحت للغرفه لكيتها مندمجه بالتلفون اخذته منـِْها وشفت شحنه 50
فلك طرج مخلصته شحن
مروة... ولج بيه والڵـهٍ
درر... عوفج من الشحن عمر سأل عليج ههه
مروة... ههه كولي والله
درر.. لٱ تفرحين بس سأل لان معتبرج وحدة منا
مروة... جا اادري اخوج ما منه فايدة
سمر... بعد ما خلصنه امتحانات نجحنه بدرجات كلش عاليه اساور نجحت اول ع صف وراحت رابع ابتدائي وسحر طلعت معدل 92 وكلش فرحت امي
