اذبلني خذلانك

البارت 11

مساء الخير والسعادة
اتمنى لكم قراءة ممتعه

#اذبلني خذلانك

#البارت 11

#بقلم ليلى الركابي

متـى يأتي دور أيامنـا السعيده؟..

دلال... اخوجن وين

درر... ذو الفقار توه كعد مااعرف بي

دلال... كومي شوفيه خاف طالع للشارع البيت دورته مالكيته

سحر... ماما ذو الفقار جابته مرة رايح داك الباب عليهم ويبجي

دلال... عفيه متيهات اخوجن
اخذته اغسل وجهه وهو يبجي

واحمد كل ثلاث او اربع ايام يتصل يسأل شلونكم ويسده

وعمر يطلع من الصبح يشتغل فيترجي للعصر ومرات باليل يرجع ومصروفه يحطه بيدي تعبه مااكدر اخذه بس هو ما يقبل

وسمر السنه بالثالث شادة حيلها ودوم تقره

درر...بعد ما خلصت تحاضيري وقريت سحر هم ونضفنه البيت ضجت وين اروح رحت للديوانيه بيها غراض بابا ورسل شفت عدها مكياج صحت سحر وكعدنه نتمكيج اني وياها ما نعرف بس نشخبط بوجوهنه نطلع زومبي ونضحك على نفسنه بعدين نروح نغسل قبل لا تشوفني امي تنعنع ضلوعي ماتقبل

واكعد اتابع تلفزيون اجنبي واكعد كلش جواه حتى ماما تبقه تصيح مو زين على عيونج بس جان طبع بيه

وحيل شاطرة ومعروفه بالمدرسه مرت ايام بابا يخابر واني افرح من اسمع صوته احبه كلش ويمكن اكثر وحدة مهما يكون يبقى ابوي وعندي لحضات حلوة وياه وحنين علينه

نجحت من الثاني بمعدل عالي 96 محد فرح ولا احد هداني بس ماما كالت عفيه وهي ضايجه وجان امتحانات سمر برمضان لان هي ثالث ووزاري اليل كله تقره واني وسحر وياها نسهر وهم مرات نروح لغرفة رسل نتمكيج ووحدة اطلع ابداعها على الثاني بس سمر ما تتحاجه دومها عافسه وجهه من راح بابا

سمر...كاعدة اقره اخر امتحان فيزياء كلش صعبه والوقت ما كافي عندي نص ضابطته ونص يعني مو كلش رحت امتحنت زينه مجاوبه على كل الاسئله بس عندي اخطاء بسيطه

رجعت للبيت نمت منا للمغرب كعدت اسوي فطور وي امي ودرر

دلال…ليمت النتائج

سمر…مااعرف

درر…غير ينشرون عالنت

سمر…اي بس مو هسه
مر كم اسبوع ونشرو النتائج ناجحه وبمعدل عالي ما جنت مهتمه وفرحانه كلت لامي اريد ادخل تمريض اعترضت بالبدايه بس اني عاندت ولسوء حظي طلع سادينه بهاي السنه واضطريت اكمل اعداديه

درر…اجه عمر وكال غسلي ملابسي لان باجر هم يطلع للشغل كعدت اغسل بيهن واجت عمتي شفاء يربي شكد ارتاح الها خطيه هي المتحمله اجرت السيارة للمدرسه اني وسمر وتشتري ملابس للمدرسه هم