مساء الخير والسعاده
اتمنى لكم قراءة ممتعه
#اذبلني خذلانك
#البارت 9
#بقلم ليلى الركابي
ربما كانت الحقيقة واضحة منذُ البداية ، ولكن عَزّ عليكَ تصديقها .
بعد ما راحت وكفت صافنه
شتحجي هاي فزيت على صرخت سحر مجروحه بقوطي العصير اخذت اغسل ايدها عن الدم وهي تصرخ ولفيتها الها
سمر تعاي اخذي اختج اشتريلها خل تسكت
سمر... اووف ماما ما بيه حيل واريد اقره عندي امتحان
دلال... خيعوني يايوم بيج حيل كومي
ثاني يوم
نايمين واحمد اجه دك الباب مخبوص وجان شكله مبهذل وعيونه حمر
احمد... بسرعه بدلي
دلال... خير شكو
احمد... كتلج بدلي بسرعه بدون حرف
دلال... صار هسه
احمد... لبسي اسود
دلال... احمد خوفتني اخواني بيهم شي
احمد... لٱ امي ماتت
دلال... حجاه ودموعه نزلت هو راح واني سديت الباب وكعدت مصدومه من الخبر وابجي كعدت الجهال بسرعه سمر ودرر لبسنه وحدهن وسحر واساور زغار ما بدلتهن بقن لابسات الوان ورحنه شفنه البيت مخبوص طبعا احمد راح قبلنه واني ورسل راحنه وحدنه شفت اخواته كاعدات يبجن وشفاء شاكه ملابسها ازيد وحدة بين اخواتها تبجي
بعدين انتقل الفاتحه لبيتنه 3 ايام واكفة على تك رجل تعب كلش والبيت خربو النسوان التجي للفاتحه يبقن يصفنن بي ويسأل هاذا بشكد ومنين جايبينه لان جان بيتنه ارقى بيت بالمنطقه واحمد يشتري فرشات كلش غاليه خصوصا البردات مااتوقع موجودات هسه لان بيهن تاج وكلش فخمات وفرشات البيت بس الديوانيه اني اشتريت الها فرشه جان سعرها تقريبا 250 الف
لذلك ادمر بالفاتحه زغار وكبار تبحوش ومااكدر احجي خاف يزعلون اباوع واسكت
طبعا اخوان احمد رسام واخوهم الزغير ازوجو اخوات قبل سنة واني مجان الي واهس بس رحت اطبخ واساعدهم نفس طكت مريم كلهن يشابهن بالتصرفات لذلك كعدن ابيت واحد وهم اصلا جاي يبنون بس ما عدهم امكانيه يخلصون بسرعه لذلك على كيفهم
كم يوم واجت شرطه للبيت خفنه كلنه واجو سحلو احمد اخذو وياهم وبليلتها كضينها بجي بس ما سكتنه دورنه محامي وطلب فلوس هواي واحنه ما عدنه تركته وعزت عليه نفسي اروح اطلب واداين وبيوم المحاكمه لبست ورحت واخوانه كلهم موجودين صدر حكمه سجن سنه ونص لان مداين كلش هواي وهم ما تنازلو عنه لان صارلهم سنين يطلبون وهو ما ينطيهم جان امير مسكتهم بس هسه هو اشتكه عليه يريد فلوسه
