مساء الخير والسعادة
اتمنى لكم قراءة ممتعه
#اذبلني خذلانك
#البارت 12
#بقلم ليلى الركابي
ضلت ذكريات البيت من نكعد ابعصريه
راحو وابعدو عني بس الحزن ضل بيه
شيعود كعدتي وياهم شيعود الفرح ليه
وحيدة بوحشتي ضليت
بس دمعي يسليني
ااه يا دار حاجيني
"" امي ""
دلال …اني من شفت اسمي بأحرف غريبه ومكلوبه واسم احمد ورسل اجت سمر يمي وشافتهن فتحتهن وكعدت اقره بيهن سحر محبه وكره
درر…بس يمه منو مسوي
سمر …اكيد رسل قابل بابا يسوي
دلال…اخذتهن ورحت لعمر اريد اكله لان هو ميصدك بهيج سوالف كله عنده خرافات
شفته مدد بفراشه وبيده الجهاز كتله
عمر شوف ذني
عمر…شنو هاي
اخذت الاوراق من ايد امي وفتحتهن ما فهمت
يمه شنو ما فهمت شي
دلال…اقره المكتوب وتفتهم
عمر… اي مكتوب محبه بين ام عمر ورسل
والورقه الثانيه مكتوب بيها كره بين ابو عمر وام عمر
دلال…هسه فهمت شنو ذني
عمر…قصدج سحر
دلال…اي سحر هسه يلا فهمت اني ليش احب رسل ومو شون ما كان احبها كلش واعزها
عمر…وهسه شسوين بيهن
دلال…اخذت الاوراق منه ورحت حركتهن
سمر…اخذت امي الاوراق والدمعه بطرف عينها اخخ ياامي ششوفين بعد شوويه وطلعت عصبيه نار ودموعها تنزل شعلت الطباخ وحركت الاوراق
وكتها مغرب وما باقي شي على الصلاة وكعدت تبجي رحت حضنتها وابجي وياها كل احنه البنات حضناها
دلال…راح انام
سمر…بس هسه مغرب ميصير اتعشي وبعدين نامي
دلال …ديري بالج على اخواتج واخوج رايحه انام
سمر…اعرف امي عنيدة وما يفيد وياها الحجي راحت واني ودرر حضرنه عشه
درر. …خطيه امي ضاجت كلش
سمر …شسوي بعد
درر…هي رسل ليش اسوي سحر امي حبابه وياها
سمر…لج لو ما السحر تلكينهن من الروس بس هاذا العمل الشيطاني ساترة عليهن
درر…وبابا اذا مو سحر هم هيج لو غير
سمر…لا نفسه لان قبل لا يزوجها اتذكر نفس تصرفاته
سحر…ام اربع عيون عمر صارله ساعه يصيحج
