مساء الخير والسعادة
اتمنى لكم قراءة ممتعه
# اذبلني خذلانك
#البارت 13
#بقلم ليلى الركابي
المشاعر أبداً لاَ تموت ولكنها تتجمد حين يكسرها موقف ما
ما كلف نفسه يدز الكراوي الي اروح بيها ومن طلعتهن اخذهن مني
كال راح افتح مشروع ببغداد واوديلج مصرف كل شهر واجمع فلوس حتى نكمل بنيان البيت
وكلشي ماكو اخذهن وغلس وما شفت الربع منهن
صارت سمر صف خامس احيائي ودرر رابع علمي وسحر سادس ابتدائي واساور ثالث ابتدائي
واتفقنا اني واختي مرادي وبتها نروح للزيارة صادفت وفاة الامام الكاظم عليه السلام
قبل لا نروح بيوم اتصل احمد واني كتله رايحه للزيارة
احمد…اي خوش من توصلون اتصلو بيه اجي اوصلكم للامام
دلال…لا عليمن ماكو.....
احمد …ليمت اطلعون
دلال…ان شاءالله باجر الصبح
احمد…يعني توصلون الضهر يلا مو تنسين اتصلي بي
دلال…سديته منه واتفقنه نلتقي بالكراج
رحت شفت عمر مدد والجهاز بيده هزيت راسي بيأس خربان كلش ما يطلع يشوف شغله بس لازم الخرا ليل مع نهار
من رحنه للزياره تلكانه بالبوابه شفته متغير وتعبان مبين عليه العوز عكس قبل الي جان الخير يبين عليه صعدت يمه بالصدر جان لقاء صعب لان صار هواي مشايفته حرك السيارة وكال
احمد... شلونككم
دلال... بخير
احمد... درر شلون صارن عيونها اريد اخذها للطبيب لان كالت مضايقه منهن
دلال... اني اخذتها وما مخليتها
احمد... حتى لْـۆ اخذتيها ابقه اني ابوها ومن واجبي
دلال... مشكور ما تقصر
احمد... شنو زعلانه؟ ؟حجيج نتر
دلال... اي ومن حقي اكو يوم اجيت وشفت شلون عايشين
احمد... مااكدر والله وهم هالايام لكيت بيت اسوي كهربائيات
دلال... حجيت هواي عتب وزعل وهو هم بين عليه ضاج
وخذانه للكاظم
احمد ... وصلنه زورن ومن تخلصن زياره اغديجن بالمطعم
دلال... مَشَـــڪُوُرْ نندل وبعدين تعاركنه ونزلنه
مرادي... ليش هيج خطيه صدك تحجين
دلال... فدوة اسكتي مالي خلك
ورحنه زرنه وماارجعناله وراحنه لبيت اخووي وكضت
ونوب رحنه للنجف وزرنه وكملنه ومن رجعنه للكراج خابرونه كالوا ..
