مساء الخير والسعادة
اتمنى لكم قرأه ممتعه
#اذبلني خذلانك
#البارت 4
#بقلم ليلى الركابي
غلطة صارت.. يا خسارة .. !
ليلكم ضيّع نهاره..🖤
دلال...شنوووو رابعه!!
شفاء ...اي جان مزوج ثلاثه وطلكهن
دلال...ليش طلك عود
شفاء...ماارتاح وياهن ولسانهن طويل
دلال...كلهن نفسي الشي قصدي مريم مثلهن لو اقل منهم
شفاء...نفسهن
دلال...زين رسام جبير شعجب ما مزوج
شفاء...خل نكمل وبعدين نسولف
دلال...براحتج
بعدها كملنه طبخ الغده ورحت اسبح متعودة اسبح قبل صلاة الظهر
خلصت سبح وصليت رحت للمطبخ لكيت مريم وبنين يصبن غده
ساعدتهن بفرش السفرة وجانت سفرة جبيرة وكلها كعدت والاكل
ابد ما يبقه مرات ميكفي لان هم ياكلون وعدهم جهال
كعدت شفاء بغرفتي اني وياها بعد الغده لان احمد يفرر ما يكعد والله يعلم وين بيا ارض هسه
شفاء ...باعي حسام مااختار هو زوجه اله لا جانت امي تختارله ومااستقرن وياه هن متعافيات يردن طلعات ولبس وتعرفين ما عده ومريم عود احسن منهن بس لسان وادور مشاكل ورسام هم جام مزوج بس طلك
دلال...ليش
شفاء...دوم عرك بيناتهم وما متصافين طلكهن
دلال...ليش شكد مزوج حتى طلكهن
شفاء...ثلاثه وحدة كرايبنه واثنين غرب
دلال...شنو هاي كل واحد مزوج ثلاثه اربعه
شفاء...لا بسام هي بنين اول زوجه اله
دلال...تعجبت عليهم يالله شنو من عائله صارت بيه خوفه من احمد خاف هم يجيني بعد كم يوم هو ومرته وجهاله
هو اصلا ابد ما يحترمني واكثر من مرة يضربني على شي تافه حتى على ملابسه اذا ما مغسوله شفت احمد ثاني مو الاعرفه اكثر من مرة يجي ابالي اعوفه بس هذا اختياري لازم اتحمل النتائج
بعد شهرين من زواجنه اختفت الشهريه وصارت نفسي تلعب من كلشي ومن اكول لاحمد مريضه اريد اروح للطبيب يعصب ويغلط ويصيح ما عندي الطبيب ما يريد فلوس طبعا اني رجعت للخياطه بعد اسبوع من زواجي كتله مااريد فلوس عندي بس اخذني لان كلش تعبانه
رحت للمستشفى حللت وطلعت حامل نزرع امل بداخلي والبسمه بوجهي وتمنيت احمد يتغير شويه ويحس بالمسؤليه
بس لا ما تغير ولا شويه مرات اشتهي شي وما يجيبه
وجانوا عايشين بعوز كلشش ياهو يطلع للشغل يجيب مسواك للبيت وطبعا اذا حسام جاب مريم تصير اقتصاديه كلش واذا بسام بنين نفس حالت مريم ولازم ماكو وجبات اضافيه بس ريوك غده عشه ماكو اذا واحد جاع ويريد ياكل العصر او بأي وقت
