قصص...وعبر

اوعى

وانت ماشي في الشارع. بتشوفه لابس بدلة اخر شياكه. وحاطط عطر يجنن. ولابس النضارة الريبان. وبينزل من عربيته السمراء الجميلة.

⬅ تضغط على الزر الاخضر في آلة الزمن. وتفاجئ بالآتي.

الاسبوع اللي فات. الراجل ده اشتري العربية دي جديدة. ودفع اول قسط.
اول قسط اللي كان محوشه من مكافآت شغله لمدة 6 شهور. بعدما اتعين مدير.
اتعين مدير من 6 شهور لما رئيس الشركة لاقاه متفاني في العمل لمدة 3 سنين متواصله. وطول ال3 سنين وهو بيخلص شغل شهر في اسبوعين.
بيخلص شغل شهر في اسبوعين. عشان بياخد معاه الشغل في البيت. عشان يبقي متميز. ويفضل سهران لحد الساعه 1 بالليل.
بيفضل سهران لحد 1 بالليل من غير مايتعب. عشان اتعود على كده من ايام ما كان بيسهر يذاكر ويذاكر ويذاكر لحد نص الليل ايام الجامعة.
ايام الجامعة اللي ساعتها كان عنده مشاكل في بيته. وكان فيه الف سبب انه ييأس. ويبطل يذاكر وزي ماتيجي تيجي في الامتحان.
في الامتحان اللي كان بيضغط على نفسه عشان بس مايخليش الظروف تدمره وتبعده عن المذاكرة. و تفضل عينيه على هدفه.
تفضل عينيه على هدفه لانه شاف جاره اللي حصلت له ظروف مشابهه. استسلم وانهار وبقي صايع على القهاوي دلوقتي.  فمحبش يبقي كده.
محبش يبقي كده. عشان كده تماسك وصمم على التماسك. من اول ما المشاكل ظهرت في بيته من ايام ماكان في اعدادي.
ايام ماكان في اعدادي. كان دايما بيحلم يشيل احدث تليفون. وكان لما يشرد بخياله. يفكر انه ممكن في يوم يجيب عربية زي عربية مدرس العربي.
مدرس العربي اللي علمه بيت شعر. فضل محفور في ذهنه طول عمره.

يقول شوقي

  {   وما نيل المطالب بالتمنى  ※  ولكن تؤخذ الدنيا غِلَابَ  }

المعني = الدنيا مش بتمشي بالاحلام والامنيات.  لازم تعافر وتستحمل وتجمد عشان توصل للي انت عاوزه.

⬅ اوعي تستسلم.   خليك صلب