Үерхсэн хойноо Ф хоёр л юм хийдэг болов. Мөнгө олох, намайг хамт амьдаръя гэж ятгах.
-Манайд нүүгээд ир л дээ. Хамт байя.
-Хүсэхгүй байна аа.
-Тэгвэл би танайд очъё.
-Тэгэхийг ч хүсэхгүй байна.
-Яагаад?
-Ээж зөвшөөрөхгүй.
-Ээж чинь зөвшөөрчихсөөн.
-Хэзээ дээ?
-Намрын дунд сарын баяраар саран еэвэнтэй цуг хамт амьдарч болох уу гэсэн хүсэлт илгээсэн юм. Чамайг хүсч байвал хамт амьдрахад дургүйцэх юмгүй ээ гэж хэлсэн.
-Байз даа, чи ээж рүү саран еэвэн явуулсан юм уу? Би яахаараа мэдээгүй байдаг билээ?
-Чиний мэдэхгүй олон зүйл бий. Тэгээд битгий сэдэв өөрчлөөд бай. Нүүх юм уу, үгүй юу?
-Нүүхгүй ээ. Би өөр хүнтэй амьдарч сураагүй.
-Эрт оройгүй нүүж л таараа шүү дээ. Одооноос дасч байсан чинь дээр дээ.
-Ямар ядаргаатай юм бэ? Нүүхгүй гээд байхад.
Хэд хэдэн оролдлогын дараа тэр бууж өглөө гээд болив. Тэгээд нэг надад овоолоостой бичиг баримт өгөхөд би үнэхээр гайхлаа.
-Энэ чинь юу юм?
-Техник эдийн засгийн үндэслэлийн тайлан.
Хэсэг хугацаанд тайван байсгасан шалтгаан нь хэрэгтэй мэдээлэл, өгөгдөл цуглуулаад л тэр байж л дээ. Намайг хамт амьдруулах гэж янз бүрийн өнцгөөс давуу болон сул талыг нь жагсааж бичээд зогсоогүй хэрхэн нүүх төлөвлөгөөгөө хэрэгжүүлэх талаар ч бичэж, янз бүрийн тохиолдол (case), байрны дотоод зураг төсөл, мекко диаграмм гээд зөндөө зүйл багтсан тайлан байв.
-Тэгсэн ч би нүүхийг хүсэхгүй байвал яах уу?
-Тэгвэл ppt бэлдэнэ.
Хангалттай тэнэгтлээ!
