-Чи гэр бүлд эзлэх байр суурьтаа сэтгэл дундуур байгаад байна аа даа?
-Тэрэнд чинь асуугаад байх юу байна аа?
-За тэгвэл, өнөөдрийн турш чи намайг хүссэнээрээ захирч болно. Юу ч гэж тушаасан би элдэвгүй шууд хийнэ.
-Нээрээ биз?
-Аанхаа.
-Тэгвэл хогоо шүүрд дээ.
Тэр дуулгавартай нь аргагүй шүүр аваад хогоо шүүрдлээ. Хэсэг хугацаанд хог шүүрдэх гэж оролдож байгааг нь хараад тэсгэлгүй "Чи сайн шүүрдэхгүй байна шүү дээ. Орны доогуур ч гэсэн шүүрд. Тийм зузаан тоос байгааг харахгүй байна уу? Плитаны завсар байгаа үсийг шүүрдэхгүй юм уу?" гэж зандарч орхилоо.
-Бараг л цэвэрхэн болчихсон байна шүү дээ.
-Ерөөсөө ч цэвэрхэн юм алга! Тэнд, тэнд, тэнд ч гэсэн шүүрдээгүй байна!
-Уул нь шүүрдсэн дээ. Тэгвэл чи өөрөө нэг харуулаатах. Би суръя.
Би түргэхэн шиг шалаа шүүрдээд бөөн хог овоолж зогсоод.
-За, энэ дээ! Нотлох баримт!
-Чи ч ёстой лаг юм аа.
Ингээд би түүнд өдрийн хоол бэлдэх ажил даалгав.
-За тэгье, тэгье. Юу идмээр байна?
-Сармистай шарсан брокколи.
-Хийж чадахгүй шүү дээ.
-Тэгвэл вандуйтай гахайн утсан мах.
-Бас л чадахгүй.
-Тэгвэл загасаар амталсан гахайн мах.
-Чадахгүй ээ.
-Тэгээд юу хийж чадах юм бэ?
-Улаан лоольтой шарсан өндөг.
-Өөр байхгүй юу?
-Улаан лоолийн шүүстэй өндөг.
-...
Би түүнд хэрхэн бэлдэхийг нь нэгд нэггүй заагаад "Болгоомжтой байгаарай. Битгий Эсгэчихээрэй. Улаан лоолио нимгэхээн зүсээд тос халсан хойно л шараарай. Өндөгөө эхэлж шарна шүү." гэж сайн захилаа.
Тэр бүр залхсан байртай "За, за. Мартахгүй болохоор хурдан гар." гэв.
Гал тогооноос гараад 20 минут ч болоогүй байхад "Хурдлаарай, түргэлээрэй" гээд дуудаж гарлаа.
Гал тогооны хаалга нээв үү, үгүй юу бөөн утаа, тортог. Нүдээ нээх ч арга байсангүй. Уур сорогчоо ч асаагаагүй (Яаж гэдгийг нь мэдээгүй байх), хайруулын тавган дээр байгаа тас хар зүйл юу болохыг ч танихын эцэсгүй болсон байв. Энэ хүн өндгөө шарж байхдаа цуу, шар буурцагны сүмс хоёуланг нь хийчихсэн байж.
Тэр үнэхээр л гайхсан янзтай "Яагаад миний өндөг ингээд түлэгдчихэв?" гэж асуулаа.
Тэр даруй миний хамаг уур хилэн буцлаад ирлээ.
-Яагаад тос хийгээгүй юм бээээээээээ?!!!!!!! Хайран хайруулын тавгийг минь муухай болгочихлоо шүү дэээээээээээээээээээээээ!!!!
Цаашид юу ч болсон, хэзээ ч энэ хүнээр хоол хийлгэхгүй дээ!!!!!