وصل صادق إلى الكوشة حيث كانت أروى واقفة باستقبال وطبع قبلة على جبين أروى التي أحمرت خجلاً وماقال ولاكلمة
جابت أم صادق الشبكة والدبل عشان يلبسها ولدها عروسته
وقطعوا الكيكة أن ثلاث طوابق وطبعاً ماخلت الحفلة من بعض المواقف المحرجة فمن شدة ارتباك أروى نست الشوكة في فم صادق وصادق طاحت الشوكة من أيده لمى قربها من أروى .. وانتهت الحفلة على خير
وفضت الصالة من المعازيم وماطلب صادق أبداً يطلع مع أروى بس اكتفى بالجلسة معاها مدة ربع ساعة وكان الصمت سيد الموقف
انتهت أجازه منتصف الفصل اللي كانت قصيرة مرة وخلالها مازار صادق أروى أبداً ولاحتى اتصل عليها وكان يتحجج بانشغاله في المستشفى بدت الدراسة وطلعت نتيجة النصف الأول ونجحت أروى بنسبة 97% ماكانت النسبة اللي تتمناها أروى لكنها حمدت ربها
وفي إحدى الأيام كانت أروى جالسة على النت تتصفح ومتملله وإلا برنة جوالها
أروى: هلا مريووم شلونك؟؟
مريم: هلا أراوووي من لقى أحبابه نسى أصحابه
أروى بنفاذ صبر: أحبابه!!! خليها على الله
مريم:أروى شفيكِ؟؟
أروى: مافيني شي .. كيف عمتي ؟؟ مشتاقة لها
مريم: الحمد لله كلنا بخير لو مشتاقة لها كان مريتينا ,, أنتي كيفك مع الخطوبة أبد لالك حس ولاخبر
أروى: تدرين مريم ماأحس إني مخطوبة زي باقي البنات صار لي شهر من انخطبت ماعمره اتصل فيني ولا زارني
مريم: حاولي تعذريه يمكن مشغول بالمستشفى
أروى: مريوم إذا ماعشت فترة خطوبتي وحسيت فيها متى باعيشها طول عمري وحيده بهذا البيت ماأحد فاضي لا أم و لا أبو ما أحس بالأجواء العائلية إلا لمى ازوركم قلت الله بيعوض علي بزوج بيهتم فيني لكن الظاهر انحكم علي اطلع من سجن وأروح سجن ثاني
مريم: الصابر يلاقي خير ومصيرك الله بيعوض عليك ماتدرين شنو ظروفه يمكن صج مشغول أتصلي عليه أنتي
أروى: أتصل عليه وهو ما فكر فيني أنسي مستحيل,, المهم مريم أنا مشغولة الحين أكلمك وقت ثاني
مريم: زين ,, لا تقطعين
قفلت أروى الجوال وكانت الدمووع بعيونها لأنها تحس أنها مفروضة على هالشخص
وبعد أسبوع من مكالمة أروى لمريم كانت أروى جاية من المدرسة
أم أروى: هاا أروى إلا توك جاية وااجد تاخرتي
أروى : السواق تأخر والشارع مره زحمه
أم أروى: المهم ترى صادق بيجي يزورك اليوم
أروى بدهشة: ماحد قال لي
أم أروى: هاا أنا أقولك الحين أمه اتصلت وقالت أنه مشغول ومابيقدر يتصل
أروى: مشغول يرفع السماعة أو يرسل مسج يقول بيجي المهم حياه الله
في بيت أهل صادق ,, صادق: زين يمه شلون تواعدين الناس ولاتعطيني خبر يمكن عندي التزامات أنا مو فاضي لمثل هالشكليات
أم صادق: لو كنت مشغول بتفضى عشانها وبعدين من يقول شكليات هذي الحين زوجتك ومن واجبك أنك تزورها وتسأل عنها
صادق: احنى الحين بس املكين لمى تجي بيتنا وتصير زوجتي بسأل عليها
أم صادق:اسمعني زين ياصادق لا تفشلنا مع الناس حسس البنت بشوي من الأهتمام
صادق: والله انتون إلا فرضتونها عليه بالقوة واتحملوا النتايج
أم صادق: اليوم أبيك تسألها وتتفاهم معاها على موعد العرس
صادق: الحين سويتوا كل شي وقفت على موعد العرس اتصلي لهم واتفاهمي معاهم
أم صادق : شوف ياصادق بتسوي إلا اقولك عليه وإلا بزعل عليك
صادق: زين يمه مايصير خاطرك إلا طيب
حور واهي نازله من فوق: هلا وغلا بأحلى أم في هالدنيا
أم صادق : هلا بنيتي ,, وإلا مريحتني أكثر من أخوك
حور: ويش مسوي لك هالعلة
صادق: علة في عينك,, أقول حور شرايك تطلعين معاي
حور بفرح: صج وين؟؟
صادق: نروح لحرمنا المصون نأخذها ونطلع نتمشى
حور: اوكي صار
أم صادق: هي هي شو صار أنتي بعد الثانية أخوك أول مره بيروح لخطيبته خل يأخذون راحتهم روحي معاهم مره ثانية
صادق: وهو فيه مره ثانية
أم صادق: أيه ويش على بالك فيه ثانية وثالثة ورابعة بعد
حور: يعني تكنسلت الطلعة
أم صادق: لا تأجلت
صادق: اللهم طولك ياروح ,, أنا قايم أغير ثيابي الله يساعدني على هالليله
ركب صادق غرفته عشان يجهز نفسه للروحه لأروى وإلا برنة جواله
صادق: هلا علي
علي:هاا الساعة كم بتمر الربع
صادق:مابمر باروح أشوف المدام
علي:أوه أوه وش هالتطورات
صادق:عن الكلام الفاضي بكبري مالي خلق شي ونفسي بخشمي
علي: إنا لله خبرنا إلا يروح يشوف زوجته يكون طاير من الوناسة وأنت عافس وجهك
صادق: أقول لاتطولها واهي قصيرة بغيت شي
علي: أيه ادري لقافه بس في نفسي سؤال إذا ما أسأله أموت
صادق: اسأل أعرفك مابتخليني إلا مطلع روحي
علي:ويش شريت هديه لخطيبتك خل نتعلم منك حق لمى أخطب
صادق:هديه ,, هديه ويش بعد ماشريت شي
علي: علينا علينا هالحركات اليوم أول مره تروح لخطيبتك من الحفلة يعني مابتروح وأيدك فاضيه ويش مجهز لها
صادق: تبي الصراحة مو مجهز شي
علي: هيييي أنت ليكون بتروح خالي اليدين وتفشلنا بعد زين منها البنت متحملة ثقالة دمك
صادق: اوهووو هديه بعد أنا بكبري مالي خلق شي
علي: خلك رومانسي شوي
صادق: مخلي الرومانسية لك
علي:أنت ولا خير معاك اسمع كلامي مره بعمرك
صادق: زين فكنا أدري مابتخليني بحالي إلا لمى تتأكد اني باخذ صاير لي حنان كأنك امي الثانية ويش أنواع الهدايا إلا تنأخذ بمثل هالمناسبة
علي: أي شي وإلا أقولك بما أنا الوقت ضيق أخذ بوكيه ورد على ذوقك
صادق:زين ,, اسمع بعد ساعة بالضبط من الحين وقول أنك تبغاني ضروري
علي: ليه
صادق:حجه عشان اطلع من عندها ما أبغى أطول
علي: أقول عن قلة الأدب يكيفي ماتروح لها ويوم رحت لها تبي تهرب,, نشوفك على خير
صادق: مالت عليك مامنك فايده يعني ,, على خير ,, سلااااام
أنت تقرأ
الحب سيأتي يوماً ما رومنسيه خليجية
General Fiction(مكتملة ) أروى فتاة في الـ18 لديها كل ماتحلم به فتيات هذا العصر من جمال ومال ومكملات الحياة لكنها تفتقد للجو الأسري لأنها الابنة الوحيدة لأب كل مايهتم به هو جمع المال وأم ليس لها هم غير الخروج إلى الحفلات فكيف ستواجه أروى متاعب الحياة وهل سيستمر و...
