صادق: وكأن لقى حبل النجاة صج أنا ليه مافكرت بهذي الفكرة
حورو وهي تبتسم :عاادي أحياناً لمى يكون الأنسان متضايق وعنده مشاكل يقفل عن الحل إلا أحياناً يكون قدامه واضح
صادق وهو يوقف: طيب أنا بابدل وباروح للدكتورة أنتبهي لأروى
حور: أروى بعيوني بس أنت لاتتأخر
طلع صادق من عند الدكتورة المشرفة على علاج أروى وأول ماطلع لقى بوجهه علي
علي:صادق اسمع يقولوا طلعت شرجعك
صادق وباين على وجهه ملامح الضيق والتعب
علي: صادق ممكن نجلس بالكفتيريا شوي
صادق: اسمح لي علي مااقدر
ولف بيمشي عنه إلا تطلع مرام بوجهه
صادق بنفسه اففففففففففففففف من وين طلعت لي هذي مو وقتها بالمرة
مرام: دكتور صادق ابيك بموضوع
صادق: مو فاضي عندي وقت
مرام: ماراح اخذ من وقتك كثير
تدخل علي عشان ينقذ الموقف: صادق تعال معي عشان المدير يبيك
وسحب علي صادق إلا جلس يطالع فيه باستغراب شسالفة المدير
وعند البوابة الكبيرة :مع الف سلامة
صادق: شسالفة المدير
علي: حجه عشان اخلصك منها لي كلام معاك بعدين
صادق وهو يترك علي: سلااااام
دخل صادق قسمه الخاص ولقى أمه مع حور عند أروى
صادق: السلام عليكم
حور+أم صادق: وعليكم السلام
صادق:شلونها الحين؟؟ صحت؟؟
حور:لا ماصحت من طلعت واهي نايمة
ام صادق: طمني ياولدي شقالت لك الدكتورة؟
وقال صادق لأمه عن كل شي
أم صادق: إنالله طيب ياولدي خلك معها زوجتك محتاجه لك هالفترة
صادق: أكيد يمه بضل معها
أم صادق وهي واقفة:لاتحاتي ياولدي العلاج تطور وإن شاء الله مابيصير لكم الاكل خير
صادق: ونعم بالله
ام صادق: يالله حور قومي أخوك تعبان ومحتاج يرتاح
قامت حور ورى أمها من دون أي نقاش
حاول صادق ينام من بعد أحداث اليوم إلا تعبته والخبر السىء إلا سمعه وخلال فترة مو طويلة صحت أروى من النوم
جلست اروى تناظره بنظرات ماعرف يفسرها يحس أنها تبغى تتكلم بس مو عارفة تقول أي شي
أروى: صادق أنا
قام صادق تقرب منها عشان يحسسها بقربه منه
أروى:أنا.............
صادق وهو يحط صبعه على فمها عشان لاتتكلم:اششششششششش لاتقولي شي
أروى كانت تناظره بعين دامعه تقول فيها ألف كلمة وكلمة
فهم عليها صادق أن تبغى تعرف ليه ماتتكلم:أروى لاتقولي شي لأني أعرف كل شي أبغاك ترتاحي,, ترتاحي وبس
أروى بعدت يده ومسكتها: صادق أنا تعبانه وأبي أرتاح
صادق وهو يرجعها للسرير : طيب تعالي ارتاحي
أروى وهي تسحب نفسها منه:لا أتركني أنا ماابغى أنام
صادق: طيب شتبين قولي لي
أروى: ابي اروح بيت أهلي أنت بالأول والأخير بتتزوج علي فليه اطول عليك الطريق أريحك وأفتك
صادق يناظرها بنظرات مستعجبة:وليه اتزوج عليك
اروى:أنا ماراح أجيب لك عيال تفهم ولو جبت لك ممكن أموت
صادق:شفتين قلتيها بنفسك ممكن تموتي يعني مو أكيد كل شي بيد الله
أنت تقرأ
الحب سيأتي يوماً ما رومنسيه خليجية
General Fiction(مكتملة ) أروى فتاة في الـ18 لديها كل ماتحلم به فتيات هذا العصر من جمال ومال ومكملات الحياة لكنها تفتقد للجو الأسري لأنها الابنة الوحيدة لأب كل مايهتم به هو جمع المال وأم ليس لها هم غير الخروج إلى الحفلات فكيف ستواجه أروى متاعب الحياة وهل سيستمر و...
