أروى تفكر كيف تتصل الحين ماتقدر تتراجع شراح يقولوا عنها الطلب بالنسبه لهم بسيط ابسط كلمة ممكن تقولها الزوجه لزوجها "أحبك" وبنفس الوقت تفكر بردة فعل صادق كيف بتكون لمى تقولها له لأول مره..
بعد فترة صمت .. مريم:هااا اشوفوك ساكته وين الجراءه والا تستحي منا
أروى بعد تفكير طويل وباصرار رفعت الجوال واتصلت وهي تدعي من قلب ان مايرد عليها لكنه رفعه من أول رنه:هلا أروى
أروى تستجمع شجاعتها وبتردد:أحبك
صادق بابتسامة:طيب تعالي ابيكِ
أروى بخجل:اوكي
وسكرت الخط وقامت واقفه
الكل:ههههههههههههههههههههههههههههههههههههههههههههه هههههههههه
مريم:على وين على وين ماصدقنا
منى:جلسي مكانك مافيه روحة ماصدق على الله تتصلين قال تعالي
أروى:تستاهلون جلسوا من غيري اصلاً الجلسه بدوني ماتحلى
حور:روحي روحي شكلك مذوبه أخوي أول مره اشوفه يتكلم كذا
أروى وهي فاتحه عينها:مذوبته في عينك
حور وهي تعلي صوتها عشان تسمعها أروى الا ابتعدت عنهم:مو تنسين تعطينا التفاصيل بعدين
أروى لفت وجهها تشوفها وطلع لها لسانها زي الأطفال:تحلمين
وصلت عند خيمة الرجال ووقفت تنتظره ماعرفت تتصرف رفعت جوالها بتتصل عليه لكن ابوها طلع من الخيمه
أروى:قوه يبه
ابو أروى:الله يقويك يابنتي ,, شعندك هنا
أروى:انتظر صادق قالي تعالي ومااشوفه
أبو أروى:راح السياره ومارجع روحي له يمكن هناك
وصلت سيارة صادق ومالقت أحد لكن الغريب بالموضوع أن باب السياره مفتوح وينه هذا شلون يخلي الباب مفتوح بدي الطريقه راحت لجهة الباب عشان تسكره لكن المفاجئه لقت صادق مرمي على الأرض
أروى بسرعه وبخوف تتجه له:صادق صادق قوم شفيك
وجلست زي المجنونه تهز بزوجه ودموعها متجمعه بعينها راحت ركض لخيمة النساء الا قريبه منها
أروى وهي تنافخ:عمتي عمتي أم صادق
قام الكل مفرزوع من شكل أروى
أم صادق:شفيك يابنتي ليه حالك كذا ووين البنات عنك
أروى:صادق صادق مرمي على الأرض هناك "وهي تأشر على السياره"
أم صادق وهي تمشي معاها:وين
أم أروى:استهدوا بالله ونادوا على واحد من الرجال
أم علي وهي ترفع الجوال:بتصل على علي اهو دكتور وراح يعرف له
دقايق ورد علي على جواله
علي:هلا بالغاليه
أم علي:ياولدي روح عند سيارة صادق خويك زوجته جات مفزوعه تقول ان طايح هناك
علي بارتباك:إن شاء الله يمه إن شاء الله ,,مع السلامة
وراح ركض لمكان السياره ولقى أم صادق وأروى يحاولون يصحوه
علي:ممكن شوي خالتي
أم صادق وهي تبتعد:بسرعه ياولدي طمني على ولدي
علي وهو يكشف:لاتخافين ياخالتي مافيه الا الخير ,,بس ممكن ماي
اروى راحت تركض تجيب ماي لعلي الا اخذ الماي وغسل به وجه صادق الا بدى يفتح عينه
علي:انت بخير
صادق بتثاقل:ايه شصاير
علي:الشمس اثرت فيك وخلتك تفقد وعيك لأنك مو ماكل
أم صادق:ماتشوف شر ياولدي
أروى التزمت الصمت وماعرفت تاخذ راحتها بوجود علي
علي:يالله الحين قوم اكل لك شي
صادق : مو مشتهي
أم صادق:مايصير ياولدي لازم تاكل عشان ترتاح
أروى الا كانت ساكته راحت ركض للخيمة وجابت له بعض الأكلات الموجوده
أم صادق وهي تبتسم لأروى:ماقصرتي يابنتي
أما علي الا حس شكله غلط بينهم تركهم وابتعد عنهم
أم صادق:مااوصيك عليه لاتبتعدي عنه الا وهو ماكل
أروى :إن شاء الله عمتي
حطت الأكل بمقعد السياره واتجهت لصادق الا للحين جالس على الأرض ومدت له يدها عشان يقوم لكن صادق بدل لايدفع نفسه عشان يقوم سحبها بكل قوته وطاحت بحضنه
صادق وهو يبتسم:اشتقت لك
أروى الا اول مره تسمع زوجها يقول لها ان مشتاق حمرت خدودها ونزلت راسها للأرض
صادق وهو يبتسم:عندك شي تقوليه
أروى هزت راسها بمعنى ايه
صادق:شنو
أروى:اكل عشان تصير بخير
صادق يتصرف مثل الأطفال:مابي مابي
أروى: وليه ماتبي
صادق:اول ابيك تقولي الاقلتيه لي بالتلفون لمى اتصلتي
أروى وهي فاتحه عينها:هاااا
صادق بابتسامة:يالله قولي
اروى سكتت وجلست تفكر بطريقه تقول لصادق فيها أاحبك وخصوصاً هالوضع الا اهم فيه
أروى:أول ممكن اقوم ترى شكلنا بالمره غلط
صادق:مو شغلي زوجتي وماحد له دخل
أروى:طيب احنى بمكان عاااام مو بالبيت
صادق:قولي الاقلتيه وبخليك تقومي
أروى: وتاكل بعد
صادق اشر على عينه الثنتين بمعني من عيوني
أروى غمضت عينها ونطقت:أحبك
صادق وهو يبتسم :وأنا أحبك
أروى انحرجت وماعرفت شتسوي:طيب ممكن اقوم
صادق:اوكي قمنا
وقاموا الأثنين ومشت أروى عشان تبتعد عنه لكنه فاجئها لمى مسك ايدها
صادق:نفسيتي بتحب الأكل أكثر لمى توكليني بنفسك
أروى ابتسمت له ورجعت له
أما عند البنات الا جالسين على سوالف وضحك ولعب
حور:مو كأن أروى الدبه تأخرت
منى:ايه بالقوه ,,هذا اخوك ماصدق على الله زين عندك بالبيت خليها هنا لنا
حور:ولايهمك الحين اخرب عليهم بس وين هم
منى وهي تتلفت يمين وشمال:ماادري والله مااشوفهم
مريم:بسكم بسكم خلوا المره براحتها تتهنا مع زوجها
منى:انتي سكتي مو دخلك احنى نبغاها ليه ياخذها منا
هدى وهي تبتسم:لمى تتزوجين راح تحسين كيف الشعور لمى تكوني مع زوجك وحد يخرب عليك
حور وهي تمسك جوالها:عاادي عاادي
واتصلت على جوال أروى لكنها ماترد
حور:افففففففففففففففف ماترد الدبه سايحه بالعسل وين تفكر فينا او يجي على بالها جوالها
منى:اتصلي على جوال اخوك
حور:ايه صح
واتصلت على جوال صادق
أنت تقرأ
الحب سيأتي يوماً ما رومنسيه خليجية
General Fiction(مكتملة ) أروى فتاة في الـ18 لديها كل ماتحلم به فتيات هذا العصر من جمال ومال ومكملات الحياة لكنها تفتقد للجو الأسري لأنها الابنة الوحيدة لأب كل مايهتم به هو جمع المال وأم ليس لها هم غير الخروج إلى الحفلات فكيف ستواجه أروى متاعب الحياة وهل سيستمر و...
