حور:أنتي انتي السبب ,, انتي من قالك أني ابي اتزوج من؟؟ شوفي لو انجبرت على هالزواج عمري ماراح اسامحك تفهمين
أروى بصدمة من حالة حور: أنا أنا شسويت
حور:خطبتيني لولد عمتك ماتفهمين أنتي ماابيه ماابيه
صادق وهو يسحب حور ويهديها:حور خلاص ماله داعي ماله داعي هالكلام
حور:شلون ماله داعي يبون يجبروني أتزوجه ماابيه تفهم صادق ماابيه
وجات أم صادق تلحق بنتها وتشوف نهاية الموضوع معاها:حور يعني لمتى هاا أنتي لو رافضة الشاب لشخصه قلنا ماعليه بس أنتي ترفضين كل شاب يتقدم لك مايصير تعلقين نفسك بتجربه فاشلة صارت لك
حور:انا ماعلقت نفسي بشي ماابي اتزوج الزواج مو بالغصب
تأثر صادق مره بدموع أخته الا تعود دائماً على خبالها وحركاتها وماتعود يشوفها بهذي الحالة:يمه خلاص خلي حور براحتها مايصير تغصبوها على شي اهي ماتبغاه
أم صادق:شلون مااغصبها إذا اهي ماتعرف مصلحة نفسها أحنى جالسين ندور على مصلحتها
صادق:تدورين على مصلحتها مو بهذي الطريقة مو من مصلحتها أنك تجبرينها على شي ماتبيه وخصوصاً الزواج مو كافي عليكم جبرتوني أنا خلوها براحتها
وقفت أروى منصدمه من كلام صادق جبروه جبروه ماخذني غصب عنه مايحبي مايبيني
من أصعب اللحظات على الأنسان لمى يكتشف أن يعيش مع شخص وهو يعرف أن هالشخص مجبور يعيش معه ومايبغاه ,, دخلت أروى لغرفتها وصكت الباب وهالشي مالاحظه صادق عليها
صادق أخذ أخته لغرفتها وجلس يهديها ويفهمها أن لو مابغت هالزواج لا أمه ولا أبوه راح يجبرونها عليه وراح يوقف معها في محنتها لين هدت واستسلمت للنوم
أما أروى كانت بالغرفة تبكي على حظها وتكلم نفسها اففففففففففففففففف لمتى أنا بظل ضعيفة وإذا كان مجبور علي أنا ماني ميته عليه يارب يارب شلون مااني ميته عليه أنا أحبه واغار عليه لو تتصل عليه الحين مرام العلة أموت غيره بس شلون اتصرف مافيه حاجة وحده يخليه يتمسك فيني زواج ومغصوب علي يعني أكييييد مايحبني وأطفال ماراح أقدر أجيب له شلون بيطالع فيني وعنده الدكتورة مرام بالمستشفى لاصقة فيه 24 ساعة يارب ساعدني أنا أن ظليت دقيقة وحدة بهذا البيت بجن وقامت أتصلت بيت أهلها
ليزا:الووو
أروى:ليزا ماما موجودة
ليزا:ايه ماما موجود
أروى : طيب بااااي
وقامت أروى تبدل ملابسها عشان تطلع من البيت لأنها فعلاً محتاجة تغير جو وماتبي تروح بيت عمتها عشان لاتنسأل عن الموضوع لأنها ماتدري شنو سالفة حور ولية ماتبي تتزوج وهي تلبس عباتها إلا بدخلت صادق
صادق وهو يناظرها باستغراب:على وين إن شاء الله؟
أروى:بروح بيت أهلي بتوصلني وإلا اروح مع السواق
صادق:بتروحين كذا من غير استأذان ولاشي
اروى:كاني اقولك
صادق:بعد مالبستي وجهزتي ومابقى لك الا الطلعة تستأذني
أروى وهي تعلي صوتها:يعني كيف بتقلبها لي هوشة ومابتخليني أروح حتى أهلي بتمنعني عنهم
صادق مستغرب من حركتها:اروى فيك شي؟
أروى: لا سلامتك ممكن أروح
صادق:طيب أبي اكلمك
أروى:مزاجي مقفل ومالي خلق اسولف بأي موضوع ممكن تخليني اروح
صادق:طيب تفضلي بوصلك
أنت تقرأ
الحب سيأتي يوماً ما رومنسيه خليجية
General Fiction(مكتملة ) أروى فتاة في الـ18 لديها كل ماتحلم به فتيات هذا العصر من جمال ومال ومكملات الحياة لكنها تفتقد للجو الأسري لأنها الابنة الوحيدة لأب كل مايهتم به هو جمع المال وأم ليس لها هم غير الخروج إلى الحفلات فكيف ستواجه أروى متاعب الحياة وهل سيستمر و...
