حور:لالا اصلاً أنا جايه عشانك
صادق:عشاني!! ممتاز
وسكت ينتظر اخته تقول الاعندها لكنها ظلت ساكته
صادق:زين عرفنا جايه عشاني ,,بس يالله قولي تكلمي
حور بتردد وخوف: أنا موافقه اتزوج ماجد
صادق رفع حاجبه مستنكر الا جالس يسمعه:الحين جايه تقولين لي هالكلام بس اظن أروى بلغتهم رفضك وانتهى الموضوع
حور:لا مابلغتهم اخته كلمتني وأنا وافقت
صادق:طيب والمطلوب مني
حور:تبلغ أمي وابوي بموافقتي
صادق:إن شاء الله بس ممكن سؤال
حور:تفضل اسأل
صادق:ايش الا غير رايك
حور سكتت تحاول تجمع الكلام وبعدين نطقت:أنا كلمت أخته وقلت لها عن خطوبتي من قبل وقلت لها تكلم أخوها وإذا وافق بافكر بالموضوع ووافق ,, وسكتت شوي تفكر
صادق:وبعدين فكرتي!!
حور:فكرت بجد بعقلي ماجد حسب ماسمعت اخلاق وحنون مع خواته ومايصير اربط مصيري بتجربه فاشلة مريت فيها ..وبس
صادق بابتسامة:الله يوفق لك
حور:جميعاً يارب,,عن اذنك قايمة
وقامت ماشية بتطلع وعند الباب استوقفها صادق
صادق:حور
حور لفت له:نعم
صادق:لو داري الخطوبه بتعقلك وبتخليك رزينه كنت طلبت من ماجد يخطبك من زمان
حور ابتسمت وطلعت من الغرفة من غير لاترد
بعد ماطلعت حور من الغرفة بساعة قام صادق يلبس ويجهز للدوام وكان حريص ان مايسوي ازعاج عشان لاتصحى اروى ,,لكن رنت جواله اهي الا صحتها وطلع برى الغرفه يرد
علي:صباح الخير
صادق:صباح النور,, ليه متصل هالوقت شوي وجاي الدوام
علي:متصل اصبح عليك
صادق:مرتي وأنا ماادري
علي:لحول والحين ماحد يصبح على احد الا لازم مرته
صادق:المهم تراني متأخر خلني اخلص واطلع
علي:اوكي باااااااااااااااااي
ودخل الغرفه بياخذ اغراضه الاتركهم لمى رن جواله
أروى بتكاسل تطل من تحت البطانيه:صباح الخير
صادق بابتسامة:صباح النور والسرور ,, آسف صحيتك
أروى:لا شدعوى انا الا آسفه راحت علي نومه وماصحيت اجهز لك الفطور
صادق:معذوره ,, المهم تراني متأخر تامريني على شي
أروى :سلامتك
وراح صادق الدوام الا كان ماخذ اجازه منه ثلاث ايام عشان طلعة البر وكانت دكتوره مرام باستقباله بابتسامه عريضه
مرام:اهلاً بالدكتور صادق صباح الخير تو مانور المستشفى
صادق استغراب من الترحيب الحار ورد بمجامله:صباح النور ياهلا
ومشى من غير مايعطيها مجال تكلمه بأي شي واتجه لشغله وكان عنده زحمة مواعيد
أنت تقرأ
الحب سيأتي يوماً ما رومنسيه خليجية
General Fiction(مكتملة ) أروى فتاة في الـ18 لديها كل ماتحلم به فتيات هذا العصر من جمال ومال ومكملات الحياة لكنها تفتقد للجو الأسري لأنها الابنة الوحيدة لأب كل مايهتم به هو جمع المال وأم ليس لها هم غير الخروج إلى الحفلات فكيف ستواجه أروى متاعب الحياة وهل سيستمر و...
