احبك و لكن...💔( باللهجة الجزائرية)

الاعتراف⁦❤️⁩😋

غلق الباب قبل ما يجو كامل شاف فيا  قالي و

دوك لبكا علاه ياك من بكري ما تتفاهميش

معاها صح تجاوزت حدودها  و ندوموندي

منك باردو في بلاصتها

انا: امير شوف ملي كنت صغيرة  وانا دايرتكم
كي خاوتي ..

امير: ما نسحقش تكوني ختي ..

  انا : خليني نكمل هدرتي  ابري هدر نتا اوكي

امير: اوكي يا لالا كيما تحبي

انا: ما عندي ني ختي ني خويا و ملي كنت

صغيرة كنت نجي هنا  كنت دايرتكم خاوتي و

كتر بصح آني نشوف بلي لوكان قعدت بعيدة خير ...

امير : (حط يدو على فمي ) اشششش مانيش

حابك تزيدي تعاودي هاد الهدرة خليني نقولك

حاجة سقسيتيها علاش دارتلك هاكا علاش

كانت حابة تآاديك دوك انا نحكيلك كلش

اوكي بصح  خليني نكمل خاطارش ماشي

ساهل علي نقولك كلش المهم من الضربة تاع

اكرم سييت نخرجها من لحكاية بلا ما تنقاس

شعرة منها بنت عمي الله غالب كنت نحبها

كي ختي و هي تقربت مني ولينا نحكو في

كلش في امور الخدمة و امور شخصية تان  صح فقتلها بلي كانت بدات تحبني بصح انا ما

قدرتش نستوعب علاقة كيما هادي و اصلا

كنت حكيتلها بلي كانت في بالي وحدة و

عشقتها
هو يحكي و انا محبطة راسي غرت من هدي

للي كان احبها 🤣🤣🤣 الغيرة واش تدير

ههههه حكملي يدي قالي نيليا اسمعي

تعرفيني ماشي تاع هاد صواح مي كاينين

حوايج ما نقدروش نتحكمو فيهم و مهما كان

واش رح تقولي دوك المشاعر تاعي جامي

يتبدلو  خاطاش نحبك نتي و غير نتي لي

قدرت نشوف روحي معاها دخلتي قلبي

  عندك بزاف و صح كنت متمني نقولك كامل

هاد  الشي في ظروف وحد اخرى مي الله غالب

هي جات هكا  قلت نحي هاد التقل من قلبي

ضربة وحدة و نتهنا انا عصافير الحب كانت

تزقزق في قلبي ههههههو ما نعرف كيفاه

صوطيت عليه و عنقتوو و بداو دموعي تنزل

ياك ديما نتبهدل