احبك و لكن...💔( باللهجة الجزائرية)

تكملة

كي فتحلي الباب تشوكا ما عرفش واش يهدر
امير:  نيليا غير الخير كاش ما صرا
انا : (و الله باش ما نكدبش كل مرة نشوفو نحب نحضنو و نقولو اشحال توحشتو و اشحال نحبو و يا ريتني درتها )
درتلو لالا براسي
امير : دقيقة دوك نخرج  و نحكوا
انا: نو ما جيتش علاجالك ....
قبل ما نكمل الهدرة جات يماه موراه
طاطا: نيليا بنتي مرحبا بيك لحقتي في وقتك سواسوا
انا: هربت من عينين امير قبل ما يشوف بلي عينيا تعمرو دموع  مديت هدوك les fleurs لطاطا 
طاطا:  يا صحيتي بنتي والله من نهار رحتي حتى واحد ما جابلي ورد تعيشي هيا ادخلي
انا: معليش طاطا هاني وليت من داك من داك نجي نطل عليك و نجيبلك معايا ما تخميش حتى حاجة ما تغلى عليك
في هاداك الوقت امير ما فهم والو حسابتلو غاضني البارح كي بات لصباح في الطونوبيل باش يهدر معايا و جيت دوك نهدر معاه هههههه استنا يا سي امير مازال ما شفت والو
دخلت سلمت على باباه و قعدنا للطابلة نتعشاو قعدنا انا و طاطا سمية نقابلين امير و باباه
طاطا: ايه نيليا بنتي غيبتيها علينا بزاف ولا عجباتك لمعيشة تم
انا:  معيشتهم صح تعجب طاطا بصح كان لازم علي نولي اكي تعرفي ماما و بابا لوكان ما وليتش سنا يقولو تخلات علينا و ...و...
طاطا :  عندهم الحق من غيرك ما عندهم حتى واحد  راهم تاكلين على ربي عليك
انا:  ايه الحمدالله
بابات امير : والله ما امنت كي قالولي جات كان تعرفي شحال فرحت و امير كان رح يموت من الفرحة
شفت في امير و امير شاف في باباه
الخزرة تاع و هاد الهدرة وقتها
انا: يفرح يفرح tonton  ياك صحاب ملي كنا صغار باينة باي يطير من الفرحة
خزر فيا تاع من نيتك ؟؟
و انا نخزر فيه و غير نتبسملو
و البارح كي تلاقيت انا و طاطا سمية عرضتني لعشا قلت وعلاش لالا كي  ما كان عندي والو هاني جيت
بابات امير : مرحبا بيك بنتي دار دارك تقدري تجي وقت ما تحبي و ماشي حتى نعرضوك
ولا واش قال امير
امير : ايه عندك الحق بابا دار دارها مرحبا بيها في اي وقت يقول فيها و عينيه يشوفو فيا من بعد حبط راسو
كملنا الماكلة  و فتنا للصالون باش نكملو هدرتنا
طاطا: و كيفاش مع الخدمة ؟؟
انا: و الله يا طاطا صافا تحمست كي قالي بابا وقتك ترفدي الشركة صح المسؤولية صعيبة خزرت في امير و قلت بصح الحمدالله كونت روحي مليح لهيه و قادرة على شقاية
كملت هدرتي صونالي تيليفون لي كنت حاطاتو فوق الطابلة
امير: اسمحولي واقيلا تيليفوني
كي لحق رفد تيليفون خزر فيه و خزر فيا
ااااااه نيليا هادا تيليفونك حسابتلي ديالي هو لي صونا
انا:  معليش  حكمت التيليفون في يدي و خزرت فيه و تبسمت  اسمحولي دقيقة لازم نرفد ما نطولش انا بدلت بلاصة و نحس بكاش واحد تابعني عرفت بلي انير ريبونديت
انا: الو وي حبيبي واش. راك
لالا مانيش في الدار جيت عند طاطا
انا تان توحشتك اليوم ما سقسيتش كامل علي علاه غير الخير موالف تحرڨلي تيليفون
اوكي مالا حبيبي ربي يعاونك
انا تان نتلاقاو غدوة ارواح نتا تديني للشركة مانيش حابة نسوق غدوة
اوكي بيبي باي بون نوي
كي درت باش نعاود نولي للصالون وقف قدامي عينيه يدمعو
امير : نيليا مع من كنت تهدري؟
انا: زعما واش دخلك ؟؟؟ واش تكون باش نفهمك ولا نبررلك؟؟
امير: ربك قتلك شكون هدا؟؟؟
انا: الحاجة الاولى نقص لصوتك ما تعيطش علي
الحاجة التانية راني ضيفة هنا عندكم عيب تهدر معايا هاكا
الحاجة الثالثة هادي حياتي الشخصية لي ما عندك فيها حتى دخل بصح ويلا اك حاب تعرف شكون هدا هدا خطيبي

طاح في الارض راكع عينيه يدمعو
امير: نيليا الله يخليك قوليلي بلي ما سمعتش مليح قوليلي بلي تڨصري برك لالا نيليا ما تقدريش تديريلي هاكا ما تقدريش تضحي بينا باش تنتاقمي هادي ماشي خدايم نيليا لي نحبها خزرت لتحت عندو درت يدي في وجهو
انا:  امير نحبك بصح حكايتنا خلاصت نهار بدلتي نهار خممت غير في روحك هاداك نهار قتلت نيليا لي كنت تحبها
امير:  ناض عنقني نيليا تاعي وحدي لالا نيليا s'il te plaîtما تقوليلي حتى حاجة ما تزيدي حتى هدرة
و انا ما كنتش حابة نبكي نحيتلو يديه بعدت منو  خزرت فيه تبسمتلو
انا:  نحبك امير بصح علمتني حاجة نحب روحي قبل ما نسيي نحب كاش واحد آخر و جا هاد الانسان راني معاه و نتا ربي يهنيك
امير: ما نقدرش بلا بيك نيليا ما حبيتيش تفهمي اكي حابتني نهبل
خرجت و خليتو رحت الصالون رفدت صاكي سلمت عليهم و خرجت ديراكت طونوبيلتي  للدار طريق كامل كنت نبكي بكيت دموع تاع جسمي كامل
نشالله هاد البارت يكون عاجبكم صح سحوركم غدوة نشالله