احبك و لكن...💔( باللهجة الجزائرية)

💪

ما قدرتش نكمل المدمة مرتاحة و انا في هديك الحالة عيطت لماما
انا: الو ماما بونصوار صافا
ماما: صافا بنتي و نتي ؟؟؟
انا: بففففف صافا صافا نقولو الحمد الله
ماما:  واش هادي بفففففف واقيلا الخدمة بزاف عليك وحدك لالا
انا: لالا ماما كرهت وحدي و راني حابة نجي يامات و زيادة ني نشوف ويلا ما عيطلكمش انا نتوما ما تتفكرونيش 😭😭
ماما: لالا بنتي باباك وصانا ما نضغطوش عليك و ما نشوشولكش راسك  اكي تعرفي يحب تركيز ههه
انا: مممم اوكي ماممتي مالا خلاص كي نكون جاية نعيطلك
ماما: اوكي بنتي بصح باين بلي ماشي هادا برك قوليلي كاش ما صرا ؟؟
انا: لالا ماما خير كي نجي نحكيلك  ماكان لاه تتقلقي و لا تقلقي بابا  باي
كوبينا  و كيما قلت دخلت في راسي نروح للدار نصفي عقلي و نولي نخمم
مرام خدات شوية وقت باش تقدر تلحق لكلش
في هديك الشركة و وصات واحد لامي ديالها هاكر يدخل للبيسي تاع امير و سحر و في هاد الوقت انا  طفيت تيليفوني و طلعت لدارنا لعند ماما بابا و جداتي  توحشت لقعدة معاهم توحشت الجو تاع دارنا لي ما فيه مشاكل ما فيه والو المهم من نهار الاول لي. رحت فيه راسي ولا كالم قدرت نستوعب و كرهت امير لدرجة كنت جامي خممت نقدر نكره واحد لهديك الدرجة surtout واحد نحبو كيما حبيت امير بصح كل ما نخمم بلي خدعني و كان يخزر في عينيا و يقولي نحبك تسما كان يكذب كل ما نزيد نكرهو كتر 
المهم كنت صباح نوض نروح نجري و نجي ندوش نعاون ماما في الشغل و نرقد في لعشية ندور شوي بالطونوبيل و ندخل للدار ربع ايام و انا هكاك حتى نهار وين نضت صباح استغفرت و دوشت و  هدرت مع روحي ههه(نحب نهدر مع روحي ماكانش واحد في الدنيا يفهمني كتر من روحي هههههه)
انا: نيليا دوك تنوضي تدي ڤاليزتك و تركبي في الطونوبيل و تروحي لدزاير و كل واحد تحطيه عند حدو و تكملي نتي شغالاتك هاداك امير ما يستاهلكش  وحدة كيما سحر لي تليق بيه و بلخماج تاعو  نتي ما قودك في حتى واحد اخدمي و بركاي ما تقيمي ناس لي اصلا ما عندهمش قيمة  
اهيه نضت بواحد الحماس ماشاءالله علي  ههه و رحت لداري و  لخدمتي عيطت لمرام في الطريق
مرام: نيليا مزيا عيطتي وين راكي
انا: راني في الدخلة تاع alger واش كاين واش صرا ؟؟؟
مرام : ماشي كامل حاجة نقولهالك في التيليفون نتي ارواحي و تشوفي بعينيك بصح ما كان لاه تتقلقي
عي قالتلي ما تتقلقيش انا تم تقلقت طرت طيران ما قدرتش حتى نجوز للدار   و كي لحقت لقيت الخدامة كامل يهدرو فيما بيناتهم و غير شافوني سكتو و كل واحد ولا لخدمتو انا ما فهمتش حتى جات عندي مرام
نيليا: واش صرا مرام
مرام: والله ارواحي للبيرو ديالي انا نفهمك قبل ما تدخلي للبيرو و يصرا سوء تفاهم
رحت معاها و حطتلي دوسي في يدي
مرام: هدا واش لقيت على شركة لالا سحر و سي امير  (حطتلي دوسي في يدي)
بصح قبل كان يعرفها عندو عامين و خرج معاها بصح ما طولوش شهر حبسو و ولاو عندهم واحد شهرين  
هادي سحر يماها جزايرية ز باباها من مصر والديها طلقوا كي كانت  في عمرها 15 سنة عاشت مع باباها في تركيا قرات في امريكا في  haas  كي مات باباها باعت كلش و جات هنا للدزاير  عند يماها 
انا:  الله الله و انا واش دخلني في حياتها
حليت دوسيي هاداك واو تشوكيت
صفقات مشبوهة غسل الاموال   التجارة الغير شرعية دارتهم كامل بصح الحاجة اللي شادتني هي الصفقة اللي كنت انا نستنا فيها اللي كنت انا تعبت علاجالها
مرام: دوك لالا سحر جات دارت تبهدايل هنا و راهي في البيرو ديالك تستنا تجي ما حبيتهاش تدخل بصح دخلت بسيف
رحت للبيرو دخلت لقيتها تستنا فيا
انا: بونجور مدام سحر نشالله تكوني مرتاحة
سحر: بونجور نيليا وين راه امير ما جاش معاك
انا: الحاجة الاولى لعيباد كيما نتي انا السيدة *** و الحاجة التانية  امير واش يكونلي باش  يجي معايا
سحر : اوكي مدام نيليا  امير وينو دوك تهدري و لا
انا: ولا واش تضربيني !! هههههه شوفي حبيبتي همي انا خدمتي ماشي امير ماشي نتي ماشي خدمتكم الخامجة
سحر: علابالي بلي امير كان معاك عندو بزاف ما يعيطلي ما يرفد علي ما والو
انا: و جيتي تحوسي عليه عندي ههههههه و الله ضحكتيني
روحي شوفي امير في كاش بلاصة واحد اخرى 
سحر : من نهار وليتي فيه  ما ولاش يشوف فيا ما ولاش يجي عندي و ما ولاش سامع لا بيا لا بخدمتنا كيفكيف
انا: هههههه بالاك يحبني
سحر : لوكان جا يحبك ما يسييش ينساك معايا. انا
انا: هههه وين راه دوك تبحرلك
خليني نقولك حاجة  لا جا صح يحبك كان قالك وين يحب يروح كي يحب يقعد وحدو لالا
دوك مادابيك تخرجي و ما نزيدش نشوف وجهك si non تلقاي نيليا وحد اخرى  اوكي
خرجت و قاعدة نقول واش بيهم هادو ماهومش حابين يخلوني ترانكيل
نشالله هاد البارت يكون عاجبكم و غدوة نكتب جديد صح سحوركم 😍😍