احبك و لكن...💔( باللهجة الجزائرية)

😥

كانت شتا برا و شوي برد كنت حابة نروح لبحر نقعد شوي بصح الحال هادا ما ساعدنيش لحقت للدار   دوشت بالماء البارد و جيت نرقد حتى يعطلي انيس
انا: الو وي انيس؟
انيس: واش وين كنتي نيليا مصباح و انا نعيط ماكيش ترفدي رانا قدام الباب
انا:  شكون نتوما؟
انيس: انا و نسيم تقلقنا عليك

نضت حليتلهم الباب عينيا منفخين من لبكا درنا قهوة شربناها كيفكيف
انيس: نيليا علاش اكي ديري كامل هاد شي باينة بلي تحبيه؟؟
نسيم: ما تحملتيش؟؟
انا: الله غالب اسمعو  كي كنت لهيه كنت غير نخمم وقتاش نولي باش ندمرو بيه بالشركة تاعو بصح نهار جيت
1 لقيتو يخدم مع بابا
2 لقيتو ماشي مزوج
3 قالي نحبك و هو نقطة ضعفي
كنت نهدر و نبكي بحرقة والله غير عييت
حضني  و قالي خلاص حنا نروحو نتي روحي ارڨدي و غدوة نهار جديد رايحة تريحي  هوما راحو انا رحت غسلت هادوك الكيسان و نعاود نسمع الباب جليت ديراكت بلا ما نشوف ف l'interphone شكون انا حسابتلي نسيم
غير تحل الباب نشوف في امير حالتو حالة مشمخ كامل و باين  ماهوش مليح عينيه منفخين  باين بكا
انا خزرت فيه حبيت نعنقو و نقولو يدخل بسح قلت لازم نكون قوية جيت نغلق الباب امير طاح قدامي ما قدرتش نخليه هكاك عاونتو باش ينوض انا غير مسيتو لقيت عندو سخانة والله خفت عليه ديتو لشومبرا لي كانت لتحت رحت جبتلو دوليبران و جبت معايا سربيتة و باسينا تاع الما ليل كامل و انا نقيسلو سخانة و الليل كامل و انا قاعدة حداه شفتو رقد  رفدت تيليفون عيطت لطاطا سميةةباش ما تتقلقش عليه
انا:  الو ؟؟
طاطا: وي بنتي لحقتي للدار
انا: وي طاطا عندي بزاف ملي لحقت
طاطا: اوكي بنتي حبيت نقولك مقبيلا امير كان كي المهبول كنت نهدر معاه ماش سامعني خلاص و كي قتلو بلي لازم ينساك رفد روحو و خرج و ني خايفة كاش ما يصرالو
انا: ما تخافيش طاطا ما رح يصرالو والو راهو معايا عندو شوي حمى مخليتو هنا غدوة صباح يجبك
طاطا: يا بنتي صحيتي ربي يخليك ليا نشالله
انا: نشالله طاطا انا نخليك
عاودت وليت عند امير قاعدة قدامو و نهدرلو
و هو كان رررررراقد
انا: حبيبي لوكان برك تعرف شحال نحبك
مانيش حابة نخسرك بصح لازم عليك تحس بواش حسيت هادوما كامل حالات جازو علي كي سمعت عليك بلي رايح تتزوج
قاعدة نمسحلو في وجهو و في شعرو
و كنت نشوف فيه راقد تكسلت قدامو  و نخزر في الملاك لي راني نشوف ليه دوك ونهدرلو
ما نقدرش ما نسامحوش اصلا ما شكيتش نقدر نعيش بلا بيه المهم هاكاك نشوف فيه و غايسة في تخمامي حتى نشوفو فتح عينيه  تخلعت و نضت ههههههه  انا نوض و هو يحكملي يدي و جبدني طحت و جيت قبالة في حضنو و زير علي
انا:  خليني واش بيك هبلت اووووه من نيتك
امير: علاه واش درت ياك نحضن في عمري لي نحبها و تحبني
انا: نقولك حاجة عييت من هاد الهدرة والله بدل علينا شوي  ووديجا ويلا تحسنت حالتك معليش ترفد روحك و تروح
امير :  مادامك برا حياتي انا جامي لتتحسن حالتي افهمي هاد الشي
انا: دبر راسك  ني نشوف فيك راحتلك الحمى روح لداركم ترقد
امير : ني بلا طونوبيل و ما نقدرش نقولك ديني و تولي وحدك هاد الوقت
خليني نكمل نرڨد هنا ليوم غدوة صباح نروح
انا: اوكي بصح صباح بكري مالازمش يلقاك خطيبي هنا هو لي راو جاي يديني للخدمة
امير: هههههه اوكي ما تخافيش
بصح نيليا حبيت نقولك حاجة سمعتك واش قلتي نقبيل صح صح مازالك تحبيني
انا:  اه اه واش سمعت؟
امير: قلتي تحبيني و ما تقدريش بلا بيا
انا: هههه صح نحبك بصح ما نقدرش بلا بيك لالا نقدر ماشي اكسيجين نتا
امير: بصح نتي والله الأكسجين تاعي خلينا نولو مع بعضانا نبروميلك جامي نقيسك حتى بكلمة
انا: راح الحال امير بون نوي  انا نروح نرقد
رحت لشومبرتي ما قدرتش نرقد بعت ميساج لانيس باش يجي صباح  حنى نسمع في صوت تاع كاش واحد طالع في l'escalier باينة بلي امير ما كنتش خابة نهدر نعرف روحي لوكان يعاوظلي حكاية نحبك نطيح في الفخ لي كنت انا حطيتهولو واش ندير وتش ندير قلت ندير روحي راقدة و خلاص و كيما كان الحال غير ظخل لشومبرتي لباني راقدة (ولا دايرة روحي راقدة)
نشالله هاد البارت عجبكم من بعد نكملو صح فطوركم كاملين ⁦❤️⁩⁦❤️⁩⁦❤️⁩